බස්නාහිර පළාතට සමස්ත ශූරතාවය හිමිවූ අතර අනු ශූරතාව හිමිකරගැනීමට මධ්‍යම පළාත සමත්විය. සත්කාරක දකුණු පළාත පස්වන ස්ථානය හි...
බස්නාහිර පළාතට සමස්ත ශූරතාවය හිමිවූ අතර අනු ශූරතාව හිමිකරගැනීමට මධ්‍යම පළාත සමත්විය.
සත්කාරක දකුණු පළාත පස්වන ස්ථානය හිමිකර ගත් අතර මෙවර අවසන් ස්ථානය හිමි වූයේ උතුරු පළාතටය.
ජයග්‍රාහි බස්නාහිර පළාත රන් පදක්කම් 102ක්, රිදී පදක්කම් 81ක් හා ලෝකඩ පදක්කම් 76 ක් දිනාගෙන ඇත. දෙවන ස්ථානය ලැබූ මධ්‍යම පළාත රන් පදක්කම් 46ක්, රිදී පදක්කම් 41ක් හා ලෝකඩ පදක්කම් 52ක් දිනාගෙන තිබේ..
2016 වසරේත් සුපුරුදු පරිදි බස්නාහිර පළාත ජය හිමිකරගෙන ඇති අතර එම වර්ෂයේ දකුණු පළාත දෙවන ස්ථානය වාර්ථා කරගෙන තිබුණි. ඒ බස්නාහිර පළාත රන් පදක්කම් 113, රිදී පදක්කම් 74 සහ ලෝකඩ පදක්කම් 67 ක් වශයෙනි. නමුත් මෙවර එනම් 2017 දී දකුණු පළාත පස්වන ස්ථානය දක්වා පසුබැස තිබේ. ඒ රන් පදක්කම් 22 , රිදී පදක්කම් 41 හා ලෝකඩ පදක්කම් 52ක් වශයෙනි.
මළල ක්‍රීඩා අංශයේ දක්ෂතම ක්‍රීඩිකාව බස්නාහිර පළාත නියෝජනය කල එච්.ඩී.විදුශා ලක්ෂානි වූ අතර ඇය තුන් පිම්ම මීටර 13.32 ලෙසත්, මළල ක්‍රීඩා අංශයේ පිරිම් දක්ශතම ක්‍රීඩකයා ලෙස මධ්‍යම පළාත නියෝජනය කල ඩී.ඒ.විමලසිරි , දුර පැනීම මීටර 7.83 ලෙසත් වාර්ථා කර ඇත.
වේගවත්ම ක්‍රීඩකයා බස්නාහිර පළාත නියෝජනය කල හිමාෂ ඒෂාන් වන අතර ඔහු තත්පර 10.76 කාලය තුල මීටර 100 ධාවන ඉසවුව ජයගෙන ඇත. වේගවත්ම ක්‍රීඩිකාව සබරගමු පළාත නියෝජනය කල රුමේශිකා රත්නායක වන අතර ඇය මීටර 100 ධාවන ඉසවුව තත්පර 11.74 ක් තුළ ජයග්‍රහනය කර ඇත.
මෙවර තරගාවලියේ නව ශ්‍රී ලංකා වාර්ථා දෙකක් පිහිටුවාලීමට සමත්ව තිබේ. ඒ ක්‍රීඩිකාවන් ම දෙදෙනකු විසිනි. දකුණු පළාත් ක්‍රීඩිකාවක් වන මනෝජි අමරසිංහ කාන්තා මිටිය විසිකිරීමෙනුත්, උතුරු පළාත් ක්‍රීඩිකාවක් වන ජේ.අනිතා කාන්තා රිටි පැනීමෙනුත් නව ශ්‍රී ලංකා වාර්ථා බිහි කළහ.
මෙවර ක්‍රීඩා උළෙලේ සංවිධාන කටයුතුවල දුර්වල තැන් බොහෝ තිබුණි. ඊට සහභාගී වූ ක්‍රීඩක ක්‍රීඩිකාවන්හට නවාතැන් පහසුකම් මෙන්ම ආහාර පාන ඇතුළු පහසුකම් කිසිම පෙර සූදානමකින් හා සැලසුමකින් තොරව සංවිධානය කර තිබූ නිසා දුරබැහැර සිට පැමිණි ඔවුහු මහත් අපහසුතා රැසකට මැදිවූහ. බොහෝ ක්‍රීඩක ක්‍රීඩිකාවන් හට තමන් නවාතැන් ගත් ස්ථානයේ සිට මෙම ක්‍රිඩා උලෙළ වෙත නිතිපතා පෙර පුහුණුවීම් සදහා කිලෝමීටර පණහකටත් (50 km) වැඩි දුරක් උදේ සවස යායුතුව තිබුණි. ඒ තම ආහාර වේලවත් නිසි වේලාවට ලබාගැනීමට පවා නොහැකි පසුබිමකය.
මෙහි සමාරම්භක මොහොතේ පවා එම උත්සවය දකුණුපළාත් ක්‍රීඩක ක්‍රීඩිකාවන් වර්ජනය කරතිබුනි. පාපන්දු අවසන් තරගය පවා යම් ක්‍රීඩා විනිශ්චයක් මුල්කර ඇතිවූ උණුසුම් තත්වය මත අවලංගු කෙරිණ. තවත් විශේෂතාවයක් නම් මෙම ක්‍රීඩා උලෙළ පුරාවට එකදිගටම දැල්වී තිබිය යුතු ඔලිප්පික් පහන පවා එහි ගෑස් බටයක ගෑස් කාන්දුවක් හේතුවෙන් කිහිපවිටක්ම නිවී යාමයි.
විවිධ පිරිස් සදහන් කරසිටියේ නිසි පහසුකම් නිසි ප්‍රමිතියකට ක්‍රීඩක ක්‍රීඩිකාවන් වෙත ලබාදී තිබුණේ නම් ඔවුනගේ දක්ෂතාවන් මීට වඩා දැකබලා ගැනීමට හැකියාව තිබූ බවකි.
- මාතර ඉදුනිල් කැළුම් ජයවීර
COMMENTS