පරාජයවීම සම්බන්ධයෙන් ශ්‍රී ලංකා ක්‍රිකට් ලොලීන්ට කණගාටුව පළ කරන බව පල්ලකැලේ පැවැති ක්‍රිකට් තරගයෙන් අනතුරුව ඊයේ (අගෝස්තු 14) පැවැති මාධ්...
පරාජයවීම සම්බන්ධයෙන් ශ්‍රී ලංකා ක්‍රිකට් ලොලීන්ට කණගාටුව පළ කරන බව පල්ලකැලේ පැවැති ක්‍රිකට් තරගයෙන් අනතුරුව ඊයේ (අගෝස්තු 14) පැවැති මාධ්‍ය හමුවකදී කණ්ඩායම් නායකයා මේ බව කීවේය.
වසර අටක සිය අත්දැකීම් අනුව තමන් මුහුණදුන් අසීරුතම ටෙස්ට් ක්‍රිකට් තරගාවලිය මෙය වන බවත් අත්දැකීම් බහුල ක්‍රීඩකයන් කිහිපදෙනෙකු ආබාධ හේතුවෙන් ඉවත්වී සිටිම නිසා සිය කණ්ඩායමට දැඩි අවාසියක් වූ බව ඔහු ප්‍රකාශ කළේය.
ටෙස්ට් ක්‍රිකට් තරගයකදී දින පහක් ක්‍රීඩාකිරීමට නොහැකිවීමට මෙම පරාජයට එක් හේතුවක් වූ බව කී දිනේෂ් චන්දිමාල් දින හතරක් දින තුනක් වැනි කෙටි කාලයකදී ශ්‍රී ලංකා පිලේ ඉනිම නිමාවට පත් වූ බව කීවේය. එමෙන්ම රංගන හේරත්, සුරංග ලක්මාල්, නුවන් ප්‍රදීප් වැනි ක්‍රීඩකයන් ආබාධ හේතුවෙන් ක්‍රීඩා නොකිරීම ද සිය කණ්ඩායමේ පරාජයට තවත් ප්‍රබල හේතුවක් වූ බව කී ඔහු කණ්ඩායම ඉදිරියේදී සුදුසු පරිදි සකස් කරන බව කීවේය. එහි ප්‍රතිඵල කෙටි කලකින් නොලැබුණත් එය ශ්‍රී ලංකා ක්‍රිකට් කණ්ඩායමේ දිගු කාලීන ප්‍රගතියක් අත්කර දෙනු ඇතැයි ඔහු සදහන් කළේය.
කණ්ඩායම අසීරු තත්ත්වයට පත්ව ඇති අවස්ථාවක තමන් ඉන් බැහැරවීමට කටයුතු කරන නායකයෙකු නොවන බව කී ඔහු කණ්ඩායමේ දුර්වලකම් හා අඩු පාඩු ක්‍රමක්‍රමයෙන් සකස් කර ගන්නා බව කීවේය. අද පරාජයට පත්වුවත් සුපුරුදු දක්ෂතා අතරට ගෙන යමින් ක්‍රීඩකයන් ඉදිරියේදී පෙර පරිදි ක්‍රීඩාකරනු ඇතැයි කී කණ්ඩායම් නායකයා තම ක්‍රීඩකයන් මේ වන විටත් කණ්ඩායමේ උන්නතිය උදෙසා නිරන්තර පුහුණුවීම්වල යෙදෙන බව වැඩිදුරටත් සදහන් කළේය.
නදීක දයා බණ්ඩාර - මහනුවර
COMMENTS