රාජපක්ෂ පවුලේ සාමාජිකයන් ඇතුළු පසුගිය රජය සමයේ සිදු වූ දූෂණ, වංචාවලට සම්බන්ධ පුද්ගලයන්ට එරෙහිව සිදුකරන පරීක්ෂණවලදී හිතාමතා එම පරීක්ෂණ ...
රාජපක්ෂ පවුලේ සාමාජිකයන් ඇතුළු පසුගිය රජය සමයේ සිදු වූ දූෂණ, වංචාවලට සම්බන්ධ පුද්ගලයන්ට එරෙහිව සිදුකරන පරීක්ෂණවලදී හිතාමතා එම පරීක්ෂණ ප්‍රමාද කිරීම සහ අධිකරණ අමාත්‍යවරයා ලෙස එම පරීක්ෂණවලට අවශ්‍ය සහයෝගය ලබාදීම පැහැර හැරීම සම්බන්ධයෙන් අධිකරණ ඇමතිවරයාට චෝදනා එල්ල වූ අතර රජය නියෝජනය කරන ශ්‍රීලනිප මෙන්ම එජාප පාර්ශවය නියෝජනය කරන පාර්ලිමේන්තු මන්ත්‍රීවරුන් බහුතරයක් විජේදාස රාජපක්ෂ මහතා ඉවත් කළයුතු බවට බලපෑම් සිදුකළේය.
මීට අමතරව හම්බන්තොට වරාය චීන සමාගමකට බදුදීමේ තීරණය විවේචනය කිරීම ද මෙයට එක් හේතුවක් විය.
පසුගිය 17 වැනිදා රැස්වූ එජාප කෘත්‍යාධිකාරී මණ්ඩලය විජේදාස රාජපක්ෂ මහතාට එරෙහිව එල්ල වී ඇති චෝදනා සම්බන්ධයෙන් කරුණු පැහැදිලි කිරීමට ඊයේ (21) වනතෙක් අවස්ථාව ලබා දී තිබිණි. එහෙත් ඇමතිවරයා ඒ අවස්ථාව පැහැර හැරි අතර ඒ අනුව ඔහුව ඇමතිධූරයෙන් පහකිරීම සඳහා පක්ෂය තීරණය කර තිබේ.
ඉන්පසු අගමැතිවරයා ජනාධිපතිවරයාගෙන් ඉල්ලා ඇත්තේ ව්‍යවස්ථානුකූලව ජනාධිපතිවරයාට පැවරී ඇති බලතල අනුව අධිකරණ ඇමතිවරයා ධූරයෙන් ඉවත් කිරීමට කටයුතු කරන ලෙසයි.
ආශිකා බ්‍රාහ්මණ
COMMENTS