යම් හෙයකින් මෝ ෆාරා මෙවර ද රන් පදක්කම දිනාගත්තේ නම්, පසුගිය වතාවේ පිරිමි මීටර පන්දහස ඉසව්වේ රන් පදක්කම දිනාගත්තේ ඔහු වූ නිසා අලුත්ම ලෝක...
යම් හෙයකින් මෝ ෆාරා මෙවර ද රන් පදක්කම දිනාගත්තේ නම්, පසුගිය වතාවේ පිරිමි මීටර පන්දහස ඉසව්වේ රන් පදක්කම දිනාගත්තේ ඔහු වූ නිසා අලුත්ම ලෝක වාර්තාවක් බිහිවීමට ද ඉඩ තිබිණි. පෙසුගිය සෙනසුරාදා පැවති පිරිමි මීටර 10000 තරගයෙන් රන් පදක්කම දිනාගත්තේ ද මෝ ෆාරා ය. මෙම ජයග්රහණයෙන් පසුව ලෝක ශූරයා පවසා තිබුණේ මීටර 5000 තරගයෙන් ද රන් වාර්තා කිරීම ‘පහසු දෙයක් නොවනු ඇති’ බවයි. ඔහු ඊයේ තරගයෙන් ජයග්රහණය කළේ නම් එය ඔහුගේ තවත් එක් ‘ඩබල් ගෝල්ඩ්’ ජයග්රහණයක් වන්නට ඉඩ තිබිණි. කෙසේ වෙතත් 34 හැවිරිදි මෝ ෆාරා මෙවර තරගය නිමා කළේ විනාඩි 13 තත්පර 33.32 කිනි. ඔහුට වඩා තත්පරයක් ඉදිරියෙන් තරගය නිමා කළ ඉතියෝපියානු කී්රඩක මුක්තාර් එඩ්රිස් රන් පදක්කම දිනාගත්තේය. ලෝකඩ පදක්කම දිනාගත්තේ ඇමරිකාවේ පෝල් කිප්කෙමයි විසිනි. තරගයෙන් පසුව මෝ ෆාරා මෙසේ කීවේය. ‘‘මම සියයට 110 ක්ම උත්සාහ කළා..’’
නයිට් පදවියකින් ද පුද ලබා ඇති ශ්රීමත් මොහොමඩ් මුක්තාර් ජමා ‘මෝ’ ෆාරා. සෝමාලියාවේ මොගඩිෂු නුවර උපන්නෙකි. පසුව සිය ළමා කාලය ඩිබොටි රාජ්යයේ ගත කළ මෝ ෆරා. එංගලන්තයේ පරිගණක උපදේශකයෙකු ලෙස දිවි ගෙවූ. ඉංග්රීසි වචනයක් දෙකක් යන්තමින් පමණක් කතාකිරීමට දැන සිටි සිය පියා වෙතට පැමිණියේ වයස අවුරුදු අටේදී ය. මෝටර් කාර්මිකයෙකු හෝ පාපන්දු ක්රීඩකයෙකු වීමට සිහින මවමින් සිටි මෝ ෆාරාගේ සැගවුණු කුසලතාවන් පාසලේදී ඉස්මතු වීමත් සමග ඔහු මළල ක්රීඩයෙකු බවට පත්වීම තෝරාගත්තේය. වයස අවුරුදු 13 දී එංගලන්තයේ පාසල් දරුවන් අතර පැවැත්වෙන වාරෂික රට හරහා දිවීමේ තරගයෙන් 13 වැනි තැන දිනාගත් මෝ ෆාරා, ඊළග වසරේදී එයින් පළමු තැන දිනාගත්තේය. පසුව බටහිර ලන්ඩන් ක්රීඩා සමාජවලට බැදී වෘත්තීය දිවිය ආරම්භ කළේය. පියා බි්රතාන්ය පුරවැසියෙකු වුවත්, සෝමාලියාවේ උපත ලද හෙයින් මෝ ෆාරාට විවිධ වීසා ගැටලු ඇති වූ අතර අවසානයේ ඔහුව බි්රතාන්ය පුරවැසියෙකු වශයෙන් බෞතීස්ම කරන්නට අවශ්ය නීති ගාස්තු ගෙවා තිබෙන්නේ මළල ක්රීඩා විශාරදයෙකු විසිනි. මෝ ෆාරා අන්තර්ජාතික අවධානය දිනාගන්නේ 2006 වසරේ පටන් ය. එහිදී මීටර පන්දහස ඉසව්ව තත්පර 9.40 කින් නිමා කරමින් ඔහු බි්රතාන්ය මාධ්යවල තරුවක් බවට පත්විය. නූතන ඔලිම්පික් ඉතිහාසය තුළ බිහිවූ සාර්ථකම බි්රතාන්ය ධාවකයා මෝ ෆාරා ය. 2012 සහ 2016 ඔලිම්පික් තරග ද්විත්වයේදීම මීටර 5000 සහ 10000 තරගවලින් රන් පදක්කම දිනාගත්තේ ඔහු විසිනි.
සුපිරි දිගු දුර ධාවක මෝ ෆාරා අවසන් තරගයකදී මෙසේ පරාජයට පත්වුණේ ඔහුගේ කී්රඩා දිවියේ දින 2176 කට පසුව ය. නමුත් ඔහු සදාකාලිකවම නූතන ලෝක මළල ක්රීඩා ඉතිහාසය තුළ පුරාවෘත්තයකි. මේ මස අගදී ස්විට්සර්ලන්තයේ සූරිච් නුවර පැවැත්වීමට නියමිත ව තිබෙන ඩයමන්ඩ් ලීග තරගාවලියෙන් පසු මේ ලෝක ශූරයා ගේ දෙපා ගිමන් හරිනු ඇත.
-අමාලි ජයවීර
COMMENTS