ඉඩම් හා දේපොල අහිමිවන පදිංචිකරුවන් අදියර තුනක් යටතේ වන්දි ලබාදීමට පත් කළ අතර පළමු අදියරේ වන්දි ලැබූවන්ට සාධාරණ වන්දි මුදලක් ලැබුණු බව විර...
ඉඩම් හා දේපොල අහිමිවන පදිංචිකරුවන් අදියර තුනක් යටතේ වන්දි ලබාදීමට පත් කළ අතර පළමු අදියරේ වන්දි ලැබූවන්ට සාධාරණ වන්දි මුදලක් ලැබුණු බව විරෝධතාකරුවන් පැවසීහ.
නමුත් දෙවන හා තුන්වන පියවරේ පදිංචිකරුවන්ට ලබාදීමට නියමිත වන්දි මුදල් බෙහෙවින් අඩු මට්ටමක පවතින බව විරෝධතාකරුවන් කීය.
ගලගෙදර පිහිටි වැලිවිට සංඝරාජ අනුස්මරණ ප්‍රතිමාව අභියස සිට මහා ඝංඝරත්නයේ පිරිත් සඤ්ඤායනා ආශිර්වාද මැද මෙම විරෝධතාව ආරම්භ කරන ලදී.
මහා සංඝරත්නය වැඩම කොට ඉඩම් අහිමිවන ජනතාවට සාධාරණයක් ඉටු වන ලෙස සදහන් කරමින් ආශිර්වාද පිරිත් සඤ්ඤායනාව ආරම්භ කරන ලදි. අනතුරුව ප්‍රදේශවාසීන් ගලගෙදර තුම්පනේ ප්‍රාදේශීය ලේකම් කර්යාලය අභියස සිට පැය තුනක පමණ කාලයක් විරෝධතාවයෙහි නිරත විය.
දෙවන හා තෙවන අදියරේ වන්දි මුදල් ලැබීමට නියමිත පිරිස් සදහා ඉඩම් හා දේපොල තක්සේරු කිරීමේ දී බලවත් අසාධාරණයක් සිදුව ඇති බවත් සිය වතු පිටි වල පිහිටි පොල් හා සෙසු කෘෂි වගාවන් තක්සේරු කිරීමෙන් බැහැර කර ඇතැයි කීවේය. මේ පිළිබදව ප්‍රාදේශීය ලේකම්වරිය දිගින් දිගමට දැනුවත් කළ ද ඇය ගැටලුවට විසදුම් ලබා දෙනු වෙනුනවට විවිධ සාකච්ඡා පවත්වමින් ගැටලුව මග හරින බව විරෝධතාකරුවන් පැවසූහ.
උද්ඝෝෂණය අතරේ විරෝධතාකරුවන්ගෙන් කිහිපදෙනෙකු සමග ප්‍රාදේශීය ලේකම්වරිය සිය කාර්යාලයේ රැස්වීම් ශාලාවේදී සාකච්ඡා කළ අතර එහිදී තීරණයවූයේ අදාල ගැටලුව අමාත්‍යංශ මට්ටමට දැනුම්දී ඉදිරියේදී විසදුමක් ලබා ගන්නා බවයි. ඒ අනුව එහිදී එක්සත් ජාතික පක්ෂයේ ගලගෙදර ආසන සංවිධායක පද්මලාල් ද අල්විස් මහතා සහ අමාත්‍ය ලක්ෂ්න් කිරිඇල්ල මහතා එහිදී දුරකථනයෙන් දැනුවත් කිරීම සිදුවිය.
මෙම සාකච්ඡාවේදී සිද්ධියට සම්බන්ධ නොවන පිරිස් සිටින බවට ලැබුණු තොරතුරක් අනුට අදාල නොවන පාර්ශව ඉන් ඉවත් වන ලෙස ද ප්‍රාදේශීය ලේකම්වරිය දැනුම් දුන්නාය.
විසදුම් නොලැබුණු පිරිස් ප්‍රාදේශීය ලේකම් කාර්යාලයෙන් පිටතට පැමිණ යළි උද්ඝෝෂණයේ නිරත වූහ.
පැය තුනක පමණ කාලයකින් පසුව නිසි විසදුමක් නොලැබුණු බැවින් ඉදිරියේදී ඉඩම් අහිමිවන සමස්ථ ජනයා සම්බන්ධකොට දැවැන්ත විරෝධතාවක් සංවිධාන කරන බව විරෝධාතාකරුවන් පැවසූහ.
නදීක දයා බණ්ඩාර - මහනුවර
COMMENTS