අප්පච්චි නැතිව - චමින්ද ප්‍රදීප් සිල්වා ගුණරත්න

හයක් දිග තුන පළල කැටයම් සහිත ලී පෙට්ටියක පහයි පහ උස, අප්පච්චි තිව්වම ඉතිරිවෙන ප්‍රමාණය සෙන්ටිමීටර කීයද?   ලංකාවෙ දිගම ගඟ අම්මගේ නෙ...

සාකච්ඡා අසාර්ථකයි - දුම්රිය වර්ජනය දිගටම ක්‍රියාත්මකයි

9 ශ්‍රේණිය ගණිතය පොතට ඉතිහාසය පාඩම් ඇතුලත් කරලා - දරුවන් ගුරුවරුන් දැඩි අපහසුතාවයක

රාජපක්ෂ ස්මාරකයට, කෞතුකාගාරයට කැබිනට් අනුමැතිය ගෙන නෑ - ප්‍රාදේශීය සභා අවසරයත් නෑ

හයක් දිග තුන පළල

කැටයම් සහිත ලී පෙට්ටියක

පහයි පහ උස, අප්පච්චි තිව්වම

ඉතිරිවෙන ප්‍රමාණය

සෙන්ටිමීටර කීයද?

 

ලංකාවෙ දිගම ගඟ

අම්මගේ නෙතගින්

ඊයෙ ඉඳලා , අලුත් උල්පතකින්

පටන් ගත් වගක් මම

ලීවොතින් වැරදිද........?

 

අක්කට දොළහයි

මට දහයනම්,

අම්මා ආයෙ රස්සාවකට යානම්

අප්පච්චිත් නැතිව ,අම්මාත් නැතිව

දිනකට අප ගතකරන කාලය කොපමණද?

 

ඒ හැම එකකටම වැඩිය

"ඉර බැසගෙන යන හැන්දෑව"

මාතෘකාවට රචනයක් ලීමම

කොච්චර නං අමාරුද?

අප්පච්චිගේ වළලෑම

හෙට හැන්දෑවෙම වීම.....!!

 

අනේ මන්දා...