සත්හඬ පුවත්පත විසින් මේ පිළිබඳව ගෝටාබය රාජපක්ෂගෙන් කළ විමසීමකදී ඔහු පවසා ඇත්තේ වැලිකඩ රැඳවියන් ඝාතනය සම්බන්ධයෙන් තමන් නොදන්නා බවත් එදි...
සත්හඬ පුවත්පත විසින් මේ පිළිබඳව ගෝටාබය රාජපක්ෂගෙන් කළ විමසීමකදී ඔහු පවසා ඇත්තේ වැලිකඩ රැඳවියන් ඝාතනය සම්බන්ධයෙන් තමන් නොදන්නා බවත් එදින බන්ධනාගාර කොමසාරිස්වරයා ඇතුළු පිරිසක් සමඟ මේ පිළිබඳව තමන් සාකච්චා නොකළ බවත් ත්‍රිපුද්ගල කමිටු වාර්තාව බොරුවක් බවත්ය.
එහෙත් මෙම ඝාතන සෙවීම සඳහා වත්මන් රජය විසින් පත්කළ හිටපු මහාධිකරණ විනිසුරු නිමල් නම්බුවාසම්, නීතීඥ එස්.කේ. ලියනගේ සහ විශ්‍රාමික නියෝජ්‍ය පොලිස්පති අශෝක විජේතිලක යන අයගෙන් සමන්විත කමිටුවේ වාර්තාවෙහි සඳහන්ව ඇත්තේ හිටපු ආරක්ෂක ලේකම්වරයා මේ පිළිබඳව දැනුවත්ව සිටි බවට සාක්ෂි ඇති බවත් ආරක්ෂක අංශ විසින් සිරකරුවන්ව තෝරාගෙන ඝාතනය කළ බවට සාක්ෂි ඇති බවත් ය.
පසුගිය දා කන්කසන්තුරේ සිමෙන්ති කර්මාන්තශාලාවේ යන්ත්‍රසූත පැරණි යකඩ වලට කපා විකිණීම සම්බන්ධයෙන් පොලිස් මූල්‍ය අපරාධ කොට්ටාශය ගෝටාබය රාජපක්ෂගෙන් ප්‍රශ්න කළ මොහොතේ ද ඔහු ප්‍රකාශ කර තිබුනේ තමන් ඒ පිළිබඳව නොදන්නා බවය. මේ අනුව බැඳුම්කර කොමිසම හමුවේදී රවී කරුණානායකට වැළදී තිබුණු "මං දන්නෑ" රෝගය ගෝටාබය රාජපක්ෂට ද දිගින් දිගට ම වැළඳෙන ආකාරයක් පෙනේ.
- සත්හඬ ඇසුරෙනි.
COMMENTS