කඹුරුපිටියේ හතරදෙනාගේ දිවිනසාගැනීම් ගැන ගම්මු කියන අපුල කතාව පසුගියදා රට තුළ ආන්දෝලනයක් ඇති කරමින් කඹුරුපිටියේ දියණියන් දෙදෙනෙකු හා සාම...
කඹුරුපිටියේ හතරදෙනාගේ දිවිනසාගැනීම් ගැන
ගම්මු කියන අපුල කතාව
පසුගියදා රට තුළ ආන්දෝලනයක් ඇති කරමින් කඹුරුපිටියේ දියණියන් දෙදෙනෙකු හා සාමනේර නමකවූ පුතකු සමග පියෙකු දිවිනසාගැනීම පිළිබඳ කතාවේ මෙතෙක් ප්‍රසිද්ධ නොකළ නමුත් එම ගම්මානය පුරා රැව්පිළිරැව්දෙන සැඟවුණ කතාවක් මේ වනවිට හෙළිදරව් වී පවතී.
මෙම පියා දරුවන් සමග මියයන්නට පෙර තබාගිය ලිඛිත සටහන් තුළද කියැවී තිබෙන එම කතාව එක්තරා දුරකට අප්‍රසන්න වූවකි. තවත් අතකට හිත් හිරිවට්ටන්නකි.
ගම්මුන් කියන්නේ මෙම පියා සහ 16 හැවිරිදි වැඩිමල් දියණිය අතර තිබුණ අයථා සම්බන්ධයක්
දැනගැනීම නිසා මව ඇති කරගත් ආරවුලින් පසු ඇය නිවස හැරයාම නිසා මේ කියන වියවුල හටගත් බවකි.
දිවිනසාගැනීමේ සිද්ධිවලින් පසු මාධ්‍ය වාර්තා තුළ පළවූයේ කන්න බොන්නට දෙන්න දෙයක් නැතිව දරුවන් බලාගන්නට අමාරුවූ පියා බිරිය හැරගිය ශෝකයද සමග ඇයට දැනෙන්නට මෙම පලිගැනීම කළ සෙයකි.
ඇයට විදෙස් රැකියාවක් සඳහා යන්නට උවමනාවී අවසර ඉල්ලා සැමියා අවසර නොදීම නිසා ඇතිවුණ ආරවුලක් ඇය නිවස හැරයාමට හේතුවූ බවටද වාර්තා පළ විය.
දරු සිව්දෙනෙකුගේ බර දරන්නට ආර්ථික අපහසුකම් ඇති නිසාම මේ දෙදෙනා වැඩිමල් හා බාලපුතුන් සසුනට පූජා කර තිබුණි.මෙම පසුබිම තුළ කාන්තාව විදෙස් රැකියාවට ගොස් දරුපවුල නඩත්තු කිරීම ආසන්න නිවාස කිහිපයකද සිදුවන අතර එයට අවසර නොදීමේ ආරවුලක් මත මෙතරම් සැහැසි තීරණ සඳහා යොමුවීම තරමක් පිළිගන්නට අමාරු කතාවකි.
දිවිනසාගැනීම් සිද්ධියෙන් අනතුරුව පවුලේ එකම ඉතිරිවූ පුද්ගලයා වූ 19 හැවිරිදි වැඩිමල් ස්වාමින් වහන්සේ නමකවූ පුතු දන්වා තිබුනේ මෙවැනි ආරවුල් මින්පෙර පවුලේ ඇතිවුණ අවස්ථාවල මව නිවසින් පිටවගොස් ඇගේ මහගෙදර නැවතී ටික කාලයකින් පැමිණෙන බවකි.
පවුල හැරගිය මව මෙවරද ගොස් තිබුනේ ඇගේ මහගෙදරටය. නමුත් මෙවර සිදුවූ වෙනස නම් ඇය ඇගේ ජංගම දුරකථනය හැරගියදා සිට ඕෆ් කරගෙන සිටීමත් මහගෙදර අයට ඇයව සොයාගෙන කවුරුන් ආවත් නැතැයි කියන්නට උපදෙස් ලබාදී තිබීමත්ය.
මව නිවසින් හැරගිය පසු මියගිය දියණියන් දෙදෙනා මව සොයාගෙන අත්තම්මා සොයාගෙන ගොස් අම්මා එහි ආවේදැයි ඇසූ විට එහි ආවේ නැතැයි කියා තිබෙන අතර දියණියන් දෙදෙනා කවරදාවත් නැති ලෙස හිස් අතින් නැවත පිටත් කර තිබී ඇත. දියණියන් අත්තම්මාගේ නිවස අසළ කඩමණ්ඩියෙන් අසද්දී ඇය මහගෙදර සිටින බව ස්ථිර කර ඇත. මෙම කාරණාව සටහන්ව ඇත්තේ මියගිය දියණියක ලියූ ලියුමකය.
රැකියාවක් සඳහා ඇතිවූ ආරවුලින් පසු සැමියා සමග උරණවූ බිරියට වෙනත් නිවසකදී දරුවන් බලන්නට බැරි හේතුවද ගැටලු කාරීය. නිවස හැරගොස් සිටි කාලයේ ඇය නිවසේ කිසිදු අයෙකුට කථාබහ කර නැති අතර සියදිවිනසාගන්නට දින දෙකකට පමණ පෙර දුරකථන පෙට්ටියකින් ඇමතුමක් ගෙනඑමින් දන්වා ඇත්තේ තමාට ඇඟලුම් රැකියාවක් ලැබුණ බවත් එහි පඩි සල්ලි රැගෙන ඊට පසුදා එන බවත්ය.
කෙසේ නමුත් ඒ කියන දිනයේ ඇය එනතුරු සැමියා හා දරුවන් දිගටම බලා සිටියත් ඇය නොමැති තැන දිවිනසාගැනීම ස්ථිර කරමින් පියා දරුවන්ට නියෝග පැනවූ බව ලියුම් වල සඳහන්වේ.
දියණියන් දෙදෙනාටද පුතුටද අත්පිටිපසට කරන්නට කියා ලණු ගැටගසා එල්ලෙන්ට සලස්වා කලකිරුණ පියා විසින් තමන්ද එල්ලී මියගිය සිද්ධිය රටේම කම්පනයක් ඇති කළ අතර මේ ගැන දැන ගෙන එදිනම සිද්ධියවූ තැනට වැඩම කර කම්පනයට පත්ව සාක්ෂි දීමට පවුලේ ඉතිරිවූ රත්නපුර වාසය කරන හිමි නම කටයුතු කර තිබුණි.
නමුත් මෙම සියල්ලටම මුල්වූ මියගිය සැමියාගේ ආරවුල් ඇති කරගත් බිරිය එම අවස්ථාවේ පැමිණ නැත. පුදුමයට කාරණාව වන්නේ සිද්ධියෙන් දින ගණනාවක් ගතවී මියගිය අයගේ අවසන් කටයුතුද නිමවුවත් ඇය පැමිණ නොසිටීමෙනි. තමන් වැදූ දරුවන් මෙන්ම සැමියාගේ මුහුණ දකින්නට ඇයට අවසන් වතාවටවත් උවමනා නොවීමද මෙම මරණයට හේතුවූ කරුණු තුළ ගැබ්වුණ අභිරහස තවදුරටත් ප්‍රකට කරයි.
කෙසේ වෙතත් ගම්මුන්ගේ කටකතාවලට ඇති බිය හෝ ලැජ්ජාව නිසා හෝ සැමියා මුද්දරයක් මත අස්සන් කර බිරියට අපේ මූණ බලන්න දෙන්න එපා යයි කියමින් කර තිබුණ අවසන් ඉල්ලීම නිසා එසේ කළාදැයි අපැහැදිලිය.
COMMENTS