ඔවුහු මරණය ශීතලෙන් මුද්‍රා තැබූහ!

එයින් වසර 75කට පසු ඔවුන් දෙදෙනාගේ මළසිරුරු හමුවිය. ඒ” ස්විස් ග්ලැසියරයක් තුළ සිරවී තිබූ ඒ මළ සිරුරු” ග්ලැසියරයේ හිම දියවී යාමත් සමග නිරාව...

එයින් වසර 75කට පසු ඔවුන් දෙදෙනාගේ මළසිරුරු හමුවිය. ඒ” ස්විස් ග්ලැසියරයක් තුළ සිරවී තිබූ ඒ මළ සිරුරු” ග්ලැසියරයේ හිම දියවී යාමත් සමග නිරාවරණය වීම හේතුවෙනි.

ඇල්ප්ස් කඳුකරයේ කේබල් කාර් සහ ස්කී සේවාවක් පවත්වාගෙන යන සමාගමක ප්‍රධානී බර්න්හාඩ් ෂනෙන් පැවසුවේ මෙම සිරුරු සමාගම් සේවකයෙකු විසින් සොයාගත් බවයි. පිටේ ගෙන යන මලු” ටින් සහ වීදුරු බෝතලයක් ද” හිම මිදුණු ශරීර කොටස් සමග හමු වී තිබේ.

“දෙවන ලෝක යුද්ධ කාලයට අයත් ඇඳුම් කොටස් සමග කාන්තාවකගේ සහ පුරුෂයෙකුගේ මළ සිරුරු හමු වූ බව” ඔහු පසුව පැවසුවේය.

මේවා අදාළ අඹු සැමියන්ගේම සිරුරු බවට සැකහැර හඳුනාගැනීම සඳහා ඉදිරි දිනවලදී ඩීඑන්ඒ පරීක්ෂාවක් සිදුකිරීමට නියමිත ය

මෙම යුවළට දරුවන් සත් දෙනෙක් සිටින අතර” ඔවුන් එදා අතුරුදන් වූ සිය ආදරණීය දෙමාපියන් සෙවීමේ කාර්යය කිසි විටෙක අත්හැර දමා තිබුණේ නැත. ඔවුන් අතරින් එක් දරුවෙක් වූ මාසිලීන් උද්රි මෙසේ පැවසුවාය. “අපේ මුළු ජීවිත කාලය පුරාම අපි ඔවුන් හෙව්වා... අවුරුදු හැත්තෑ පහකට පසුව වුණත් මේ ලැබුණු පුවත නිසා අපට සැනසුම් සුසුමක් හෙළන්නට පුළුවන්..”

වසර 75කට පසු ඔවුන් වෙනුවෙන් ගෞරවනීය අවමඟුල් උළෙලක් ලබාදීමට සැරසෙන එම දියණිය තවදුරටත් පවසන්නේ” එම අවමංගල්‍ය උත්සවය සඳහා පැමිණෙන කිසිවෙක් කළු වතින් සැරසීමට අවශ්‍ය නොවන බවයි. එම කාරණය සාධාරණීකරණය කරමින් ඇය මෙසේ ද කීවාය. “මම හිතන්නෙ සුදු පාට වඩා සුදුසුයි. සුදු පාටෙන් බලාපොරොත්තුව සංකේතවත් කරනවා. අපි කිසිම වෙලාවක අපේ බලාපොරොත්තුව නැති කර ගත්තේ නැහැ...”

මේ අතර පරිසරවේදීන් පවසන්නේ මෙවැනි සිද්ධි අනාගතයේදී වැඩි වැඩියෙන් වාර්තා වනු ඇති බවයි. එයට එකම හේතුව වන්නේ” මිහිතලයේ උනුසුම ඉහළ යාම නිසා හිම කුට්ටි දියවෙමින් තිබීමයි.

1925 වසරේ පටන් මේ දක්වා පුද්ගලයන් 280 දෙනෙක් මේ අන්දමින් ඇල්ප්ස් කඳුකරයේදී හෝ වාලියස් ගංගා ආශ්‍රිතව අතුරුදන් වී ඇතැයි බලධාරීහු ප්‍රකාශ කරති.