සයිටම් සිසුන් 500ක් දක්වා වැඩි කිරීමට සහාය.

මාලඹේ පෞද්ගලික වෛද්‍ය විද්‍යාලයේ ඉගෙනුම ලබන සිසුන් සංඛ්‍යාව 100ක් නොව 500 දක්වා වැඩි කිරීමට අවශ්‍ය සහාය  ලබාදෙන බවත් වෛද්‍ය විද්‍යාල තව විශාල ගණනාවක් ශ්‍රී ලංකාවට අවශ්‍ය බවත් සෞඛ්‍ය අමාත්‍ය රාජිත සේනාරත්න මහතා පැවැසීය.

මාලඹේ නෙවිල් ප්‍රනාන්දු රෝහල රජයට පවරා ගැනීමේ උත්සවයට එක්වෙමින් ඔහු මේ බව ප්‍රකාශ කළේය.

“අද ලංකාවේ වෛද්‍යවරු ඉන්නේ ලක්ෂයකට 65 දෙනයි. දියුණු සෞඛ්‍ය සේවයක් ගොඩ නැගීමට නම්, ලෝකයේ දියුණු රටවල ලක්ෂයකට වෛද්‍යවරු 200ක් ඕන.

ඒ නිසා මෙවැනි වෛද්‍ය විද්‍යාල තව විශාල ගණනාවක් ඕන අපේ රටට. මේක (නෙවිල් ප්‍රනාන්දු රෝහල) රජයට පවරාගත්තා කියලා කිසි කෙනෙකුගේ රැකියා අහිමි වෙන්නේ නෑ.

ඒ වගේම සයිටම් වෛද්‍ය පීඨය මේ වගේම දියුණු කරලා රජයේ වෛද්‍ය පීඨවල ඉඩ නැති සිසුන්ට ඒ දොර ඇරලා ළමයි 100 ක් නෙමෙයි 500 දක්වා දියුණු කිරිමට අවශ්‍ය සහාය අපි ලබාදෙනවා”

Share on Google Plus

About SL Gossip

දවසේ පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment