සාමාන්‍ය පෙළ ප්‍රථමයා වූ ජ්‍යෙෂ්ඨ කථිකාචාර්ය දෙපළගේ දියණිය අනුකි ටියුෂන් ගියේ සිංහලට විතරයිලු (video) අද දින නිකුත්වූ සාමාන්‍ය පෙළ ප්‍රත...
සාමාන්‍ය පෙළ ප්‍රථමයා වූ ජ්‍යෙෂ්ඨ කථිකාචාර්ය දෙපළගේ දියණිය
අනුකි ටියුෂන් ගියේ සිංහලට විතරයිලු (video)
අද දින නිකුත්වූ සාමාන්‍ය පෙළ ප්‍රතිඵල අනුව දිවයිනේ පළමු දෙවන හා සම තෙවැනි තැන් ලබාගත් සිසු සිසුවියන්ගේ වැඩි විස්තර මේ වනවිට ලැබී තිබේ.
මෙවර සාමාන්‍ය පෙළ විභාගයේ ප්‍රථම ස්ථානය දිනූ අනුකි චමත්කා පැස්කුවල් විශාඛා විද්‍යාලයට ශිෂ්‍යත්ව විභාගයෙන් පැමිණි අයෙකු නොවුවාය. ඇය පළමු ශ්‍රේණියේ සිට
එම පාසලෙන් අධ්‍යාපනය ලබා තිබේ.
ඇය සිය ජයග්‍රහණය ගැන කියා සිටියේ,
‘පළවෙනියා වෙයි කියලා කොහොමවත් හිතුවෙ නෑ. මම සිංහල විෂයට විතරයි ටියුෂන් පන්තියකට ගියේ. ඉස්කෝලෙන් තමයි සියලුම දැනුම ලබාගත්තෙ මම. අමතර පන්ති ගියාම ගොඩක් වේලාව වැය වෙනවා.ඒ හින්දා පාඩම් කරන්න වෙලාව මදිවෙනවා.මට කියන්න තියෙන්නෙ ඉස්කෝලෙ දෙන වැඩ හරියටම කරන්න ඕන.ගුරුවරුන් කියන දේවල් පිළිපදින්න ඕන. එතකොට ජයග්‍රහණය කරා යන්න පුළුවන්. මම ගණිත අංශයෙන් උසස්පෙළ හදාරන්න බලාපොරොත්තු වෙනවා. විශ්ව විද්‍යාලයට ගිහිල්ලා ඉංජිනේරුවෙක් වෙන්න කැමතියි.“
දෙවන ස්ථානය දිනාගත්තේ මහනුවර මහාමායා බාලිකා විද්‍යාලයේ සමිඳු මංතිලිනි මුණසිංහ ජයග්‍රහණය ගැන මෙසේ කියා තිබේ.
‘මගේ අනාගත බලාපොරොත්තුව විද්‍යා අංශයෙන් ඉදිරියටම යන්න. ඉදිරියට ගිහිල්ල වෛද්‍ය වරියක් වෙන්න. මේ අවුරුද්දෙ විභාගෙට මුහුණ දෙන අයට කියන්නෙ බයවෙන්නෙ නැතිව එදිනෙදා දෙන වැඩ එදිනෙදාම කරෝතින් ලොකු ජයග්‍රහණයක් ලබාගන්න පුළුවන්.‘
තෙවැනි ස්ථාන දෙකින් එකක් ලබාගත් ආනන්ද විද්‍යාලයේ සුගත් සනිදු සන්වර කියා සිටියේ,
‘මම එදිනෙදා වැඩ එදිනෙදාම කළා.හැමදාම පාසල් ගියා. ලොකු පීඩනයකින් තොරව වැඩ කළ නිසා මේ ජයග්‍රහණය භුක්ති විඳිනවා‘
තෙවැනි ස්ථාන දෙකින් එකක් ලබාගත් රාහුල විද්‍යාලයේ දිමුත් ඕෂධ මිරිස්සගේ කියා සිටියේ,
‘මම අධ්‍යාපනය වගේම විෂය බාහිර වැඩත් සමගාමීව කළා.තරග වලිනුත් ඉහළ ජයග්‍රහණයක් ලබාගන්න පුළුවන් වුණා.මගේ අනාගත බලාපොරොත්තුව ජීව විද්‍යා අංශයෙන් ඉගෙන ගෙන විශේෂඥ වෛද්‍යවරයෙක් වෙන්න‘
COMMENTS