භාරත ලක්ෂ්මන් ප්‍රේමචන්ද්‍ර ඝාතනය කිරිමේ සිද්ධියට මරණ දඩුවම නියම වී සිටින හිටපු පාර්ලිමේන්තු මන්ත්‍රී දුමින්ද සිල්වා අද (05) කොළඹ අතිරේක ම...
භාරත ලක්ෂ්මන් ප්‍රේමචන්ද්‍ර ඝාතනය කිරිමේ සිද්ධියට මරණ දඩුවම නියම වී සිටින හිටපු පාර්ලිමේන්තු මන්ත්‍රී දුමින්ද සිල්වා අද (05) කොළඹ අතිරේක මහේස්ත්‍රාත් අධිකරණයට ගිලන් රියෙන් රැගෙන එනු ලැබීය.
බන්ධනාගාර නිලධාරීන් අධිකරණයට සඳහන් කළේ දුමින්ද සිල්වාට අධිකරණයට රැගෙන ඒමට තරම් සෞඛ්‍ය තත්ත්වයක් නොමැති බවයි.
ඒ සම්බන්ධයෙන් වෛද්‍ය වාර්තා අධිකරණයට ඉදිරිපත් කර නොතිබූ හෙයින් කොළඹ අතිරේක මහේස්ත්‍රාත් අරුණි ආටිගල මහත්මිය බන්ධනාගාර නිලධාරීන්ට නියෝග කළේ මෙම නඩුව ජනවාරි 26 වැනිදාට කල් තබන බවත් එදිනට වෛද්‍ය වාර්තාවක් අධිකරණයට ඉදිරිපත් කරන ලෙසත්ය.
වත්කම් හා බැරකම් හෙළි නොකිරිම සම්බන්ධයෙන් අල්ලස් කොමිසම විසින් නඩු තුනකට අදාළව හිටපු පාර්ලිමේන්තු මන්ත්‍රී දුමින්ද සිල්වාට චෝදනා එල්ල වී තිබේ.
COMMENTS