ජාතික සම්පත් විකුණා දැමීමේ එක්සත් ජාතික පක්ෂ වැඩපිළිවෙළට එරෙහිව ජනාධිපතිවරයා විධායක බලය පාවිච්චි කළ යුතු බව ජාතික භික්ෂු පෙරමුණේ ප්‍රධාන ල...
ජාතික සම්පත් විකුණා දැමීමේ එක්සත් ජාතික පක්ෂ වැඩපිළිවෙළට එරෙහිව ජනාධිපතිවරයා විධායක බලය පාවිච්චි කළ යුතු බව ජාතික භික්ෂු පෙරමුණේ ප්‍රධාන ලේකම් පූජ්‍ය වකමුල්ලේ උදිත හිමියන් පවසයි.
උන්වහන්සේ මේ බව ප්‍රකාශ කළේ ඊයේ (18) කොළඹ පැවති ප්රවෘත්ති සාකච්ඡාවකදී අදහස් දක්වමිනි.
ඒ සම්බන්ධයෙන් අදහස් දක්වමින් උන්වහන්සේ කියාසිටියේ," අද මේ ආණ්ඩුවේ ඉන්න අය අනුගමනය කරන්නේ ආණ්ඩුවේ ඉන්න ඇය හැර ඔවුන්ගේ ප්‍රතිවිරුද්ධවාදීන් දඩයම් කිරීමේ ක්‍රියාවලියයි. මේ නිසා හිටපු මහ බැංකු අධිපතිවරයාටත් ඔහුගේ බෑණාටත් උපදේශ තනතුරක් දීලා ආණ්ඩුව මේ කරගෙන යන ක්‍රියාවලිය පහුගිය ආණ්ඩුවේ ක්‍රියාවලියම තමයි. ජනාධිපතිවරයා මේ මහ බැංකු අධිපතිවරයා සම්බන්ධව තමන්ගේ විධායක බලය පාවිච්චි කරලා තීන්දුවක් ගන්න. ඔහුව ආරක්ෂා කරන බලවේග ඉන්නව නම් රටට කියන්න. එතුමා ඒකයි කරන්න තියෙන්නේ" ලෙසයි.
වැඩිදුරටත් අදහස් දැක්වූ උන්වහන්සේ පැවසුවේ අගමැතිවරයා ඉන්දියාව සමඟ අත්සන් කිරීමට සූදානම් වන එට්කා ගිවිසුම සම්බන්ධව ද ජනාධිපතිවරයා තම විධායක බලය භාවිතා කළ යුතු බවයි.
වීඩියෝව පහතින්.
COMMENTS