එල්.ටී.ටී.ඊ. සංවිධානයට අයත් රූපවාහිනී සේවයේ නිවේදිකාවක වූ ඉසෙප්‍රියාගේ ජීවිත කතාව අලලා දකුණු ඉන්දියා සිනමා අධ්‍යක්ෂකවරයකු වන ගනේෂන් නමැත්ත...
එල්.ටී.ටී.ඊ. සංවිධානයට අයත් රූපවාහිනී සේවයේ නිවේදිකාවක වූ ඉසෙප්‍රියාගේ ජීවිත කතාව අලලා දකුණු ඉන්දියා සිනමා අධ්‍යක්ෂකවරයකු වන ගනේෂන් නමැත්තා නිර්මාණය කළ 'පෝර කලත්තින් ඔරුපු' හෙවත් 'යුදබිමේ කුසුම' චිත්‍රපටය ඉන්දියාවේ ප්‍රදර්ශනය තහනම් කරමින් චෙන්නායි මහාධිකරණය අතුරු තහනම් නියෝගයක් නිකුත් කර තිබේ.
එම චිත්‍රපටයට අසත්‍ය සිදුවීම් පාදක කර ගෙන නිර්මාණය කර ඇතැයි ඉසෙප්‍රියාගේ මව වන වේදරංජනී පැවරූ නඩුවකට අනුව චෙන්නායි පහළ අධිකරණයක් මීට පෙර අවස්ථාවකදී චිත්‍රපටය ප්‍රදර්ශනය කිරීම තහනම් කරමින් නියෝගයක් ලබා දුන්නේය.
චිත්‍රපටයේ අධ්‍යක්ෂ ගනේෂන් මහතා එම නියෝගය අභියෝගයට ලක් කරමින් චෙන්නායි මහාධිකරණයට පෙත්සමක් ඉදිරිපත් කළ අතර එය විභාග කළ මහාධිකරණය මෙම නියෝගය පැනවීය.
නියෝගය පනවමින් මහාධිකරණ විනිසුරවරයා ප්‍රකාශ කර සිටියේ මෙම චිත්‍රපටයෙන් ශ්‍රී ලංකා යුද හමුදාවට වුවමනාවෙන්ම පහර ගසා ඇති බව පැහැදිලිව පෙනෙන බවයි.
එවන් පදනමක් ඇති චිත්‍රපටයක ප්‍රදර්ශනය තහනම් කරමින් පහළ අධිකරණයක් ලබාදී තිබූ නියෝගය නිවැරදි බවද, විනිසුරවරයා වැඩිදුරටත් පැවසුවේය.
මෙවැනි අනවශ්‍ය ක්‍රියාකාරකම් වලින් සිදුවන්නේ ශ්‍රී ලංකාව සහ ඉන්දියාව අතර ඇති මිතුදම පළුදු වීම බවද විනිසුරවරයා පෙන්වා දුන්නේය.
ශ්‍රී ලංකා ආරක්ෂක අංශ ඉසෙප්‍රියා අත්අඩංගුවට ගෙන ඇයට බරපතල වද හිංසා පමුණුවා ඝාතනය කළේ යැයි චෝදනා කරමින් මෙම චිත්‍රපටය නිර්මානය කර ඇතැයි දැනගන්නට ලැබේ.
වීඩියෝව පහතින්.
COMMENTS