උතුර මහ ඇමති සී.වී. විග්නේෂ්වරන් මහතා ලන්ඩනයේ පැවති එල්.ටී.ටී.ඊ. හිතවාදීන්ගේ උත්සවයකදී කොටි ධජය එසවීම ප්‍රතික්ෂේප කර ඇතැයි වාර්තා වේ. පස...
උතුර මහ ඇමති සී.වී. විග්නේෂ්වරන් මහතා ලන්ඩනයේ පැවති එල්.ටී.ටී.ඊ. හිතවාදීන්ගේ උත්සවයකදී කොටි ධජය එසවීම ප්‍රතික්ෂේප කර ඇතැයි වාර්තා වේ.
පසුගිය ඉරිදා ලන්ඩනයේ හැරෝ ප්‍රදේශයේදී මෙම උත්සවය සංවිධාන කර ඇත්තේ ටී.සී.සී. හෙවත් දෙමළ සම්බන්ධීකරණ කමිටුව විසිනි.
මියගිය එල්.ටී.ටී.ඊ. නායකයන් සමරමින් කොටි ධජය එසවීමේ අවස්ථාවක්ද ඊට ඇතුළත් කර තිබේ.
කෙසේ නමුත් විග්නේෂ්වරන් මහතා කොටි ධජය එසවීම ප්‍රතික්ෂේප කරමින් සඳහන් කර ඇත්තේ එම උත්සවයේදී කථාවක් පැවැත්වීම ද තමාට ශ්‍රී ලංකාවේදී ගැටළුවක් විය හැකි බවයි.
පසුව මෙම කොටි සැමරුම් උත්සවයේ සංවිධායකයන් කොටි ධජය එසවීම අවලංගු කිරීමෙන් පසු විග්නේෂ්වරන් මහතා ඊට සහභාගිවී තිබේ.
එහිදී පැය භාගයක පමණ කථාවක් සිදුකළ විග්නේෂ්වරන් මහතා ප්‍රකාශ කර ඇත්තේ ශ්‍රී ලාංකික දෙමළ ජාතිකයන් දේශපාලන පසමිතුරුකම් පසෙකලා එක්සත් විය යුතු බවයි.
දෙමළ ජනතාව අයිතීන් තහවුරු කරගැනීම උදෙසා ප්‍රජාතන්ත්‍රවාදී අරගලයක නිරතවිය යුතු බවත් ඔහු එහිදී සඳහන් කර තිබේ.
COMMENTS