ප්‍රසන්න විතානගේ මහතා අධ්‍යක්ෂණය කළ 'උසාවිය නිහඬයි' චිත්‍රපටියට පැනවු අතුරු වාරණය සම්බන්ධයෙන් වන නියෝගය අද (21) දින ප්‍රකාශයට පත් ...
ප්‍රසන්න විතානගේ මහතා අධ්‍යක්ෂණය කළ 'උසාවිය නිහඬයි' චිත්‍රපටියට පැනවු අතුරු වාරණය සම්බන්ධයෙන් වන නියෝගය අද (21) දින ප්‍රකාශයට පත් කරන බව කොළඹ දිසා විනිසුරු එම්.යූ ගුණවර්ධන මහතා පැවසීය.
හිටපු විනිසුරු ලෙනින් රත්නායක මහතාගේ පෙත්සමක් අනුව මෙම වාරණය පැනවිණි.
ලෙනින් රත්නායක මහතා සිය පැමිණිල්ලෙන් ප්‍රකාශ කොට ඇත්තේ 1999 වසරේදී ස්වර්ණවාහිනී නාලිකාව තම වෘත්තීය ජිවිතය සම්බන්ධයෙන් මෙම චිත්‍රපටයේම වස්තු බීජය රැගත් විකාශනයක් කළ බවයි.
'හෙළිදරව්ව' නම් එම විකාශනයට විරුද්ධව තමා ගොනු කළ පෙත්සමේ තීන්දුව ප්‍රකාශයට පත් කිරීමට තිබියදී එම වස්තු බීජයම රැගත් තවත් චිත්‍රපටයකින් එම නඩු තීන්දුවට අගතියක් සිදුවනු ඇතැයි ද ඔහු ප්‍රකාශ කොට තිබේ.
ඒ අනුව කරුණු සලකා බැලූ කොළඹ දිසා විනිසුරුවරයා කියාසිටියේ ඊයේ (20) 'උසාවිය නිහඬයි' අතුරු තහනම සම්බන්ධ නඩු තීන්දුව ප්‍රකාශයට පත් කිරීම අද දිනය දක්වා දීර්ඝ කළ බවයි.
COMMENTS