ශ්‍රී ලංකන් ගුවන් සමාගමේ ආයෝජනය කිරීම සඳහා සමාගම් අටක් කැමැත්ත පළ කර ඇති බව රාජ්‍ය ව්‍යවසාය සංවර්ධන නියෝජ්‍ය අමාත්‍ය ඉරාන් වික්‍රමරත්න මහත...
ශ්‍රී ලංකන් ගුවන් සමාගමේ ආයෝජනය කිරීම සඳහා සමාගම් අටක් කැමැත්ත පළ කර ඇති බව රාජ්‍ය ව්‍යවසාය සංවර්ධන නියෝජ්‍ය අමාත්‍ය ඉරාන් වික්‍රමරත්න මහතා පවසයි.
නියෝජ්‍ය අමාත්‍යවරයා මේ බව පැවසූයේ සිරිකොත එක්සත් ජාතික පක්ෂ මූලස්ථානයේ අද (31)පැවති මාධ්‍ය හමුවකට එක්වෙමිනි.
එහිදී ඉරාන් වික්‍රමරත්න මහතා මෙසේද පැවසී ය.
“එක ගුවන් සේවාවක් කරගන්න බැරිකොට ගුවන් සේවාවල් දෙකක් කරන්න පුළුවන්ද? දෙකම අලාභයි. එහෙනම් අපි අහන්න ඕන ප්‍රශ්නය මේ වගේ ව්‍යාපාර බදු ගෙවන ජනතාවගේ මුදල්වලින් ඇයි මේවා කළේ. හොරකමට වංචාවට තමයි මේ දේවල් කළේ. ඉතිං අපි ආවා තීරණ දෙකකට එකක් ඇවිල්ලා මිහින් ගුවන් සේවාවයි, ශ්‍රී ලංකා ගුවන් සේවාවයි බද්ධ කරන්න. අපි ආපු දෙවැනි තීරණේ ඇවිල්ලා ශ්‍රී ලංකා ගුවන් සේවාවට ප්‍රාග්ධනය අවශ්‍යයි. ඒ නිසා අපි දැන්වීම් දැම්මා මේ ගුවන් සේවාවන්වලට ආයෝජනය කරන්න කැමතිනම්, මේක ඇවිල්ලා කළමනාකරණය කරන්න කැමතිනම් ඔබතුමන්ලාගේ කැමැත්ත ප්‍රකාශ කරන්න කියලා. ඉතිං බද්ධ කිරීමේ තීරණය දැන් ඒක සිදුවේගෙන යනවා. දෙවැනි එකත් සිදුවේගෙන යනවා, බී. ඕ.අයි. එකට සමාගම් අටක් ඒ අයගේ කැමැත්ත ප්‍රකාශ කරලා තියෙනවා.’’
මේ අතර රටේ වත්මන් ආර්ථික තත්ත්වය සහ ආර්ථිකයේ ඉදිරි දැක්ම සහ අනාගත අභිලාෂයන් පිළිබඳව පසුගිය 27 වැනිදා පාර්ලිමේන්තුවේ දී විශේෂ ප්‍රකාශයක් කරමින් අග්‍රාමාත්‍ය රනිල් වික්‍රමසිංහ මහතා ප්‍රකාශ කළේ කර්මාන්ත කලාපයක් ඇති කිරීම සඳහා හම්බන්තොට ඉඩම් අක්කර 15,000ක් චීන ආයෝජකයින්ට ලබාදීමට නියමිත බව යි.
එසේම දැනට පවතින ආනයන අපනයන පාලන පනත හා අඩු බදු ප්‍රතිපත්තිය වෙනස් කර නව පනතක් ඉදිරිපත් කර ආයෝජකයින් දිරිගැන්වීමේ වැඩපිළිවෙළක් ආරම්භ කරන බවද අගමැතිවරයා එහිදී සඳහන් කළේය.
COMMENTS