ඖෂධ වර්ග 48ක මිල අඩු කෙරෙන ගැසට් පත්‍රයට සෞඛ්‍ය අමාත්‍ය රාජිත සේනාරත්න මහතා මීට සුළු මොහොතකට පෙර අත්සන් තැබීය. ඒ අනුව අද (21) මධ්‍යම රාත්...
ඖෂධ වර්ග 48ක මිල අඩු කෙරෙන ගැසට් පත්‍රයට සෞඛ්‍ය අමාත්‍ය රාජිත සේනාරත්න මහතා මීට සුළු මොහොතකට පෙර අත්සන් තැබීය.
ඒ අනුව අද (21) මධ්‍යම රාත්‍රියේ සිට ක්රියාත්මක වන පරිදි මෙම මිල අඩු කිරීම සිදු වේ.
එහි පළමු අදියර යටතේ දියවැඩියාව, අධික රුධිර පීඩනය ඇතුළු අත්‍යවශ්‍ය රෝග රැසකට ලබාගන්නා ඖෂධ වර්ග 48ක මිල අඩුකිරීමට නියමිතය.
මහපරිමාණ ඖෂධ සමාගම් ආනයනය කරන ඖෂධවල මිල සහ සුළු පරිමාණ ආනයනයකරුවන්ගේ ඖෂධවල මිල ගණන් සැලකිල්ලට ගෙන ජාතික ඖෂධ නියාමන අධිකාරිය විසින් එම මිල සූත්‍රය සකස් කර ඇති බව අමාත්‍යවරයා කියයි.
සෞඛ්‍ය ලේකම්වරයා ඇතුළු ආයතන ප්‍රධානීන් සමග සෞඛ්‍ය අමාත්‍යාංශයේ පැවති සාකච්ඡාවකදී මෙම තීරණය ගෙන ඇති අතර ඖෂධ වර්ගවල මිල අඩු කිරීමෙන් පසු ඖෂධ හිඟයක් මවාපෑමට ඇතැම් සමාගම් උත්සාහ කළ ද තමා ඊට මුහුණදීමට සූදානම් බව අමාත්‍යවරයා වැඩිදුරටත් සඳහන් කර සිටී.
COMMENTS