අද උතුරු පළාත් මහ ඇමති සී.වී. විග්නේෂ්වරන් මහතා කොටි වෙස්ගත් නරියෙක් ලෙස හූ කියන බවත් එවිට ගම්මන්පිල සහ වීරවංශ යන මහත්වරුන් සිංහ වෙස්ගත් න...
අද උතුරු පළාත් මහ ඇමති සී.වී. විග්නේෂ්වරන් මහතා කොටි වෙස්ගත් නරියෙක් ලෙස හූ කියන බවත් එවිට ගම්මන්පිල සහ වීරවංශ යන මහත්වරුන් සිංහ වෙස්ගත් නරියන් මෙන් හූ කියන බවත් මේ දෙපිරිස එකම කාසියේ දෙපැත්තක් බවත් ශ්‍රී ලංකා නිදහස් පක්ෂයේ මාධ්‍ය ප්‍රකාශක, මහාමාර්ග රාජ්‍ය අමාත්‍ය ඩිලාන් පෙරේරා මහතා පවසයි.
අමාත්‍යවරයා මේ බව පැවසුවේ අද (30) බදුල්ල ඌව පළාත් පුස්තකාල ශ්‍රවණාගාරයේ පැවති සිංහල, දෙමළ ඌව පළාත් සාහිත්‍ය උත්සවය අමතමිනි.
ඒ සම්බන්ධයෙන් අදහස් දැක්වූ අමාත්‍යවරයා කියාසිටියේ,"අද විග්නේෂ්වරම් මහත්තයා කතා කරනවා වෙනුවට බුරනවා. කතාකරනවා වෙනුවට තප්පුලානවා. විග්නේෂ්වරම් මහත්තයා අද මනසින් උස්වු මිනිසෙක් හැටියට නෙවෙයි වැඩ කරන්නේ. විග්නේෂ්වරම් මහත්තයා අද කොටියෙක් වෙන්න හදනවා. හැබැයි අපිට ඇහෙන්නේ නම් නරියෙක් හූ කියන සද්දේ. ඒ සද්දෙට වැඩියෙන්ම ජෝලි කරන්නේ කවුද, විරවංශ මහත්තයලා ගම්මන්පිල මහත්තයලා. ඒ ගොල්ලෝ උඩ පැන පැන තලු මර මර විග්නේෂ්වරම් මහත්තයාගේ බුරන සද්දේ, තප්පුලාන සද්දේ අරගෙන ඒ ගොල්ලෝ තලු මර මර කියනවා අපි දෙනවා උත්තර ඕකට කියලා. මේ දෙගොල්ලම එකම කාසියේ දෙපැත්ත. එහේ විග්නේෂ්වරම් කොටි වෙස් ගත්ත නරියෙක් වගේ හූ කියනකොට මේහේ ගම්මන්පිලලා වීරවංශලා කරන්නේ සිංහවෙස් ගත්ත නරි වගේ හූ කියන එක " යනුවෙනි.
වැඩිදුරටත් අදහස් දැක්වූ අමාත්‍යවරයා ප්‍රකාශ කළේ සිංහල, දෙමළ සහ මුස්ලිම් ජනතාව ජීවත්වන බදුල්ල පළාතෙහි නඩු විමසූ හිටපු මහාධිකරණ විනිසුරුවරයෙකු වන විග්නේෂ්වරන් මහතා අද කටයුතු කරන්නේ මනසින් උසස් වූ මිනිසෙක් ලෙස නොවන බවයි.
බදුල්ල - පාලිත ආරියවංශ
COMMENTS