ඉන්දියාව සහ ශ්‍රී ලංකාව අතර පවතින ධීවර ගැටලුව සම්බන්ධයෙන් සාකච්ඡා කිරීම සඳහා ලබන ඔක්තෝබර් මාසයේදී ධීවර අමාත්‍යවරයා සහ විදේශ කටයුතු අමාත්‍ය...
ඉන්දියාව සහ ශ්‍රී ලංකාව අතර පවතින ධීවර ගැටලුව සම්බන්ධයෙන් සාකච්ඡා කිරීම සඳහා ලබන ඔක්තෝබර් මාසයේදී ධීවර අමාත්‍යවරයා සහ විදේශ කටයුතු අමාත්‍යවරයා ඉන්දියාවේ සංචාරයක නිරත වීමට නියමිතය.
ධීවර හා ජලජ සම්පත් සංවර්ධන අමාත්‍යංශය සදහන් කළේ ඔක්තෝබර් මස පළමු සති දෙක තුළ මෙම සංචාරය සිදුකිරීමට නියමිත බවයි.
ඉන්දීය ධීවරයින් මෙරට මුහුදු සීමාවට ඇතුළුවීම නතර කිරීම සඳහා ඉන්දීය බලධාරීන් සමග සෘජු සාකච්ඡා පැවැත්වීම මෙම සංචාරයේ අරමුණයි.
ඉන්දීය ධීවරයින් මෙරට මුහුදු සීමාවට ඇතුළු වී ධීවර කටයුතු වල නිරත වීම හේතුවෙන් වාර්ෂිකව රුපියල් මිලියන 6000ක පමණ මුදලක් ශ්‍රී ලංකාවට අහිමි වේ.
සතියකට මසුන් මෙට්‍රික් ටොන් 600ක් පමණ ඉන්දීය ධීවරයින් විසින් මෙරට මුහුදු සීමාවෙන් අල්ලාගන්නා බව එම අමාත්‍යංශය සඳහන් කරයි.
ඉන්දීය ධීවරයින් මෙරට මුහුදු සීමාවට ඇතුළුවීම හේතුවෙන් උතුරේ ධීවර පවුල් 50,000ක් පමණ පීඩාවට පත්ව සිටින බව ද වාර්තා වේ.
COMMENTS