උතුරු මහ ඇමති සී.වී. විග්නේශ්වරන් මහතාගේ ප්‍රධානත්වයෙන් යාපනයේ පැවති 'එළුග තමිල්' විරෝධතාවය දැඩි ලෙස හෙලා දකිමින් එයට විරෝධය පා ලබ...
උතුරු මහ ඇමති සී.වී. විග්නේශ්වරන් මහතාගේ ප්‍රධානත්වයෙන් යාපනයේ පැවති 'එළුග තමිල්' විරෝධතාවය දැඩි ලෙස හෙලා දකිමින් එයට විරෝධය පා ලබන 30 වැනි දින වව්නියාවේදී විරෝධතාවක් සංවිධානය කරන බව උතුර සුරැකීමේ සංවිධානයේ කැඳවුම්කරු නන්දසේන වීරසිංහ මහතා ප්‍රකාශ කරයි.
ඔහු මේ බව ප්‍රකාශ කළේ ඔහුද පදිංචිව සිටින බෝගස්වැව ගම්මානයේ නැවත පදිංචි වැසියන් ඉවත් කළ යුතු බව යාපනයේ පැවති විරෝධතාවයේ එක් අරමුනක් වීම හේතුවෙන් ඒ බව විමසීමේදීය.
එහිදී නන්දසේන වීරසිංහ මහතා කියාසිටියේ උතුරු මහ ඇමතිවරයා විසින් සිදුකළ එළුග තමිල් විරෝධතාව නිසා දැනට ගොඩනගාගෙන යන සංහිදියාවට දැඩි බලපෑමක් එල්ල වු බවයි.
උතුරේ සිංහල ජනාතාව ඉවත් කිරීමත් බෞද්ධ සිද්ධස්ථාන ඉවත් කිරීමට උත්සහ ගැනීමත් ජාතිවාදයට අතවැනීමක් නිසාවෙන් අදාළ විරෝධතාවය සංවිධානය කළ අය සම්බන්ධයෙන් නීතිමය පියවරක් ගන්නා ලෙස බලකරමින් ලබන 30වනදා දැවැන්ත විරෝධතාවක් සූදානම් කරන බව වීරසිංහ මහතා පැවසීය.
වැඩිදුරටත් අදහස් දැක්වූ ඒ මහතා කියාසිටියේ එහිදී ජනාධිපතිවරයාගෙත්, අගමැතිවරයාගේත්, අධීක්ෂණය පිණිසත් පොලිස්පතිවරයාගේ අවධානය පිණිසත් සන්දේශයන් භාරදීමට පියවර ගන්නා බවයි.
රොමේෂ් මධුෂංඛ - වන්නි
COMMENTS