ශී‍්‍ර ලංකාව අද ප‍්‍රවේශ වී ඇති නිවැරදි මාවත පිළිබඳව තමන් ඉතා සතුටට පත්වන බව අමෙරිකානු රාජ්‍ය ලේකම් ජෝන් කෙරි මහතා පවසයි. ශී‍්‍ර ලංකාවට අ...
ශී‍්‍ර ලංකාව අද ප‍්‍රවේශ වී ඇති නිවැරදි මාවත පිළිබඳව තමන් ඉතා සතුටට පත්වන බව අමෙරිකානු රාජ්‍ය ලේකම් ජෝන් කෙරි මහතා පවසයි.
ශී‍්‍ර ලංකාවට අවශ්‍ය සහය අඛණ්ඩව ලබාදීමට අමෙරිකාව සූදානම් බව ද අමෙරිකානු රාජ්‍ය ලේකම්වරයා අවධාරණය කළේය.
එක්සත් ජාතීන්ගේ සංවිධානයේ 71 වන මහ මණ්ඩල සැසි වාරයට සහභාගී වීම සඳහා නිව්යෝර්ක් නුවරට ගොස් සිටින ජනාධිපති මෛතී‍්‍රපාල සිරිසේන මහතා සහ අමෙරිකානු රාජ්‍ය ලේකම් ජෝන් කෙරී මහතා අතර හමුවක් ඊයේ (21) පස්වරුවේ නිව්යෝර්ක් නුවරදී පැවැත්වුණු අතර එහිදී රාජ්‍ය ලේකම්වරයා මේ බව ප‍්‍රකාශ කළේය.
මෙහිදී අදහස් දැක්වූ ජනාධිපති මෛතී‍්‍රපාල සිරිසේන මහතා ප‍්‍රකාශ කළේ සංහිඳියාව සහ ආර්ථික සංවර්ධනය උදෙසා තම රජය කැපවී සිටින බවයි. එම ක්ෂේත‍්‍රයන් තුළ අද ශී‍්‍ර ලංකාව සුබවාදී ප‍්‍රගතියක් ලබා ඇති බව සඳහන් කළ ජනාධිපතිවරයා එම වැඩපිළිවෙළ ශක්තිමත්ව ඉදිරියට ගෙන යන බව ද අවධාරණය කළේය.
උතුරේ සහ දකුණේ ඇතැම් අන්තවාදී පිරිස් සංහිඳියාව ඇති කිරීමේ ව්‍යායාමය කඩාකප්පල් කිරීමට උත්සාහ දරන අතර උතුරේ නැවත පදිංචි කිරීම් ක‍්‍රියාවලියේදී ඉඩම් ලබාදුන් පිරිසගෙන් වැඩි කොටසක් එම ඉඩම්වල පදිංචි වුවද සුළු පිරිසක් ඇතැම් බලපෑම් මත එය ප‍්‍රතික්ෂේප කිරීම උදාහරණයක් වශයෙන් පෙන්වා දිය හැකි බව සඳහන් කළේය.
සංහිඳියා වැඩපිළිවෙළ උදෙසා දකුණේ ද යම් අන්තවාදී පිරිසක් අකුල් හෙළුවද රජය අධිෂ්ඨානශීලිව සංහිඳියා අරමුණු ජය ගැනීමට කැපවී සිටින බව ජනාධිපතිවරයා ප‍්‍රකාශ කළේය.
වත්මන් රජයේ කටයුතු පිළිබඳව ජෝන් කෙරී මහතා ඇසූ ප‍්‍රශ්නයකට පිළිතුරු දුන් ජනාධිපතිවරයා ප‍්‍රකාශ කළේ අද පොදු යෝජනා මාලාවක් යටතේ සාමූහිකව කටයුතු කරනු ලබන්නේ දීර්ඝ කාලයක් පුරා දෙපිළක සිටි දේශපාලන පක්ෂ දෙකක් බවයි. කෙසේ වෙතත් මෙම පොදු යෝජනා මාලාව ඉදිරියටම කි‍්‍රයාත්මක කිරීම පිළිබඳ කිසිදු බාධාවක් පැන නැගී නොමැති බව ජනාධිපතිවරයා අවධාරණය කළේය.
රජයේ ස්ථාවරත්වයට කිසිදු තර්ජනයක් නොමැති බව ද ප‍්‍රකාශ කළ ජනාධිපතිවරයා 2015 ජනවාරි 08 වනදා සම්මුතිවාදී රජය පිළිබඳ බලාපොරොත්තු තැබූ සියලූ ජනතාවගේ අපේක්ෂාවන් එලෙසම මල් ඵල ගැන්වීමට උපරිමයෙන් කැපවන බව ප‍්‍රකාශ කළේය.
වත්මන් රජය යටතේ ශ්රී ලංකාව මෙතෙක් ලැබූ ජයග‍්‍රහණ පිළිබඳව සිය ප‍්‍රශංසාව පළ කළ අමෙරිකානු රාජ්‍ය ලේකම්වරයා ශී‍්‍ර ලංකාවේ ඉදිරි සංවර්ධන කටයුතු වෙනුවෙන් අමෙරිකානු රජයේ ආධාර ඉදිරියටත් නොඅඩුව ලබාදෙන බව සඳහන් කළේය.
COMMENTS