ඊයේ (09) රාත්‍රියේ දී මැදවච්චිය පූනෑව, වෙඩිතිබ්බගල වැව ප්‍රදේශයේදී ඇතින්නියක් සහ ඇත් පැටවෙක් දුම්රියේ ගැටීමෙන් අනතුරට පත්ව ඇතින්න මිය ගොස්...
ඊයේ (09) රාත්‍රියේ දී මැදවච්චිය පූනෑව, වෙඩිතිබ්බගල වැව ප්‍රදේශයේදී ඇතින්නියක් සහ ඇත් පැටවෙක් දුම්රියේ ගැටීමෙන් අනතුරට පත්ව ඇතින්න මිය ගොස් ඇත් පැටවා බරපතල තුවාල ලබා ඇති බව අනුරාධපුර වනජීවි නිලධාරීන් ප්‍රකාශ කරයි.
රාත්‍රී 8.00ට පමණ මාතර සිට යාපනය දක්වා ගමන්ගත් රැජින දුම්රියේ වැදී මොවුන් දෙදෙනා ඒ ආසන්නයේ තිබූ වැවට විසී වී තිබේ.
අනතුරින් තුවාල ලැබූ ඇතින්න ඒ අවස්ථාවේදීම මියගොස් ඇති අතර ඇත් පැටවා ද බරපතල තුවාල ලබා වැවට වැටී ඇත.
මිය ගිය ඇතින්නගේ වසර අවුරුදු 30 ක් පමණ වන බවත් පැටවා මාස 4ක් පමණ වයසැති බවත් වනජීවි නිලධාරීන් ප්‍රකාශ කරයි.
අද (10) උදෑසන ගම්වාසීන්ගේ සහය ද ඇතිව හොරොව්පතාන හා අනුරාධපුර වනජීවි නිලධාරීන් එක්ව තුවාල වූ අලි පැටවා දැඩි පරිශ්‍රමයකින් පසු වැවෙන් ගොඩ ගෙන තිබේ.
ඇත් පැටවාට අවශ්‍ය ප්‍රතිකාර ලබා දී උඩවලව ඇත්අතුරු සෙවනට යැවීමට කටයුතු කරන බව වනජීවි නිලධාරීන් වැඩිදුරටත් කියාසිටියේය.
ඡායාරූප පහතින්.
වන්නි - රොමේෂ් මධුෂංඛ
COMMENTS