මව සහ දියණිය බස් රථයකට යටවෙයි - දියණිය මරුට

මහියංගණය, කුරුවිතැන්න 25 කණුව ප්‍රදේශයේදි ඊයේ (14) රාත්‍රී 7.30ට පමණ 53 හැවිරිදි මවක් සහ 18 හැවිරිදි දියණියක් බස් රථයකට යටවී 18 හැවිරිදි ද...

මහියංගණය, කුරුවිතැන්න 25 කණුව ප්‍රදේශයේදි ඊයේ (14) රාත්‍රී 7.30ට පමණ 53 හැවිරිදි මවක් සහ 18 හැවිරිදි දියණියක් බස් රථයකට යටවී 18 හැවිරිදි දියණිය එම ස්ථානයේදිම ජිවිතක්ෂයට පත්වී ඇති අතර මව බරපතල තුවාල ලබා රෝහල් ගතකර ඇතැයි මහියංගණය පොලිසිය පවසයි.

‍මෙසේ මියගොස් ඇත්තේ මහියංගණය, කුරුවිතැන්න බුබුල 25 කණුව ප්‍රදේශයේ පදිංචි ආර්.එම් පබසරා රත්නායක 18 හැවිරිදි තරුණියක් වන අතර ඇයගේ මව ආර්.එම් ගුණවති (53) බරපතල තුවාල ලබා මහියංගණය රෝහලට ඇතුලත් කිරිමෙන් අනතුරුව වැඩිදුර ‍ප්‍රතිකාර සදහා බදුල්ල මහා රෝහලට ඇතුලත් කර ඇත.

ඇය බදුල්ල මහා රෝහලේ දැඩිසත්කාර ඒකකයේ ප්‍රතිකාර ලබන බව පොලිසිය පැවසී ය.

බදුල්ලේ පාලිත ආරියවංශ