දිවයිනේ ප්රධාන නගර රැසක ලිට්රෝ (Litro) සහ ලාෆ්ස් (Laugfs) ගෑස් වර්ග දෙකෙහිම හිඟයක් නිර්මාණය වී ඇති අතර, මේ හේතුවෙන් පාරිභෝගික ජනතාව දුෂ්...
දිවයිනේ ප්රධාන නගර රැසක ලිට්රෝ (Litro) සහ ලාෆ්ස් (Laugfs) ගෑස් වර්ග දෙකෙහිම හිඟයක් නිර්මාණය වී ඇති අතර, මේ හේතුවෙන් පාරිභෝගික ජනතාව දුෂ්කරතාවයට පත්ව සිටිති. ඇතැම් ප්රදේශවල දින කිහිපයක සිට ගෑස් සැපයුම අඩාල වී ඇති බවත්, ගෑස් අලෙවිසැල් අසල දිගු පෝලිම් නිර්මාණය වී ඇති බවත් වාර්තා වේ.
පාරිභෝගිකයන් චෝදනා කරන්නේ වෙළඳපොළට නිකුත් කරන ගෑස් ප්රමාණය ඉතා අවම මට්ටමක පවතින බවයි. පවතින හිඟයෙන් ප්රයෝජන ගන්නා ඇතැම් වෙළෙඳුන් නියමිත මිලට වඩා වැඩි මිලට ගෑස් අලෙවි කරන බවටද තොරතුරු අනාවරණය වේ. කෙසේ වෙතත්, ගෑස් සමාගම් ප්රකාශ කරන්නේ වෙළඳපොළ අවශ්යතාවයට සරිලන පරිදි තොග නිකුත් කර ඇති බවයි.
මේ සම්බන්ධයෙන් අදහස් දක්වමින් වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්ය වසන්ත සමරසිංහ මහතා ප්රකාශ කර සිටියේ, ලබන 12 වැනිදා සිට ගෑස් සිලින්ඩර් වැඩි වශයෙන් වෙළඳපොළට නිකුත් කිරීමට අවශ්ය ගිවිසුම්ගත එකඟතාවලට රජය එළඹ ඇති බවයි.
"තමන්ගේ ගෑස් සිලින්ඩරයට ගෑස් ලබා දීමට අදාළ සමාගම අපොහොසත් වන්නේ නම්, එම සිලින්ඩරයේ මුදල පාරිභෝගිකයාට නැවත ලබා දීමට එම සමාගම කටයුතු කළ යුතුයි. එසේ නොමැතිව පාරිභෝගිකයා ගෑස් නොමැති සිලින්ඩරයක් ළඟ තබාගෙන සිටීමෙන් පලක් නැහැ."
වෙළඳපොළෙන් 20%ක පමණ කොටසක් හිමි පෞද්ගලික ගෑස් සමාගම (ලාෆ්ස්) සිය වගකීම ඉටු කිරීමට අපොහොසත් වන්නේ නම්, රජයට මැදිහත් වී ලිට්රෝ ගෑස් සැපයුම වැඩි කිරීමට හැකියාව පවතින බව අමාත්යවරයා පෙන්වා දුන්නේය. පාරිභෝගිකයන් හට තම සිලින්ඩරය මාරු කර ගැනීම (නිල් සිලින්ඩරයට මාරු වීම) මඟින් අඛණ්ඩව ගෑස් ලබා ගැනීමේ හැකියාව පවතින බවද ඔහු වැඩිදුරටත් සඳහන් කළේය.
පවතින ගෑස් හිඟයට කඩිනම් විසඳුමක් ලෙස ලාෆ්ස් (LAUGFS) ගෑස් සිලින්ඩර් භාවිතා කරන පාරිභෝගිකයන් සඳහා ලබන මාර්තු මස 12 වනදා සිට ලිට්රෝ (Litro) ගෑස් සිලින්ඩර සහ ගෑස් වෙළඳපොළට නිකුත් කිරීමට රජය තීරණය කර ඇති බව සමරසිංහ මහතා පවසයි. ලාෆ්ස් සමාගම වෙළඳපොළට ගෑස් සැපයීම හිතාමතා අත්හිටුවීම හේතුවෙන් මෙම තත්ත්වය උදාවී ඇති බව අමාත්යවරයා පෙන්වා දෙයි.
හිඟයට හේතුව සහ සමාගමේ ක්රියාකලාපය අමාත්යවරයා සඳහන් කරන පරිදි, ලාෆ්ස් සමාගම තම හම්බන්තොට පර්යන්තයේ ගබඩා කරන ගෑස්වලින් 20%ක් දේශීය වෙළඳපොළට නිකුත් කර ඉතිරි 80% අපනයනය කළ යුතු බවට පවතින නීත්යානුකූල කොන්දේසි උල්ලංඝනය කිරීමට උත්සාහ කරයි.
"මේ සමාගම හිතනවා අර්බුදයක් හදලා ප්රෙෂර් එකක් ආපුවහම හම්බන්තොට ගෙනෙන ගෑස් ටික ඔක්කොම තමන්ට විකුණගන්න දෙයි කියලා. නීති කඩලා වැඩ කරන්න රජයක් හැටියට අපිට එකඟ වෙන්න බැහැ" යනුවෙන් අමාත්යවරයා අවධාරණය කළේය. මෙය පාරිභෝගිකයා පීඩාවට පත් කරමින් රජයෙන් අයුතු වාසි ලබා ගැනීමට දරන උත්සාහයක් බවත්, මෙවැනි "කූට වැඩවලට" ඉඩ නොදෙන බවත් ඔහු වැඩිදුරටත් පැවසීය.
ලිට්රෝ සැපයුම ඉහළට වෙළඳපොළේ ගෑස් හිඟයක් ඇතිවීම වැළැක්වීම සඳහා ලිට්රෝ සමාගම මේ වන විට විශේෂ පියවර ගෙන ඇත. ඒ අනුව දෛනිකව නිකුත් කරන ගෑස් ප්රමාණය මෙට්රික් ටොන් 1100 සිට 1500 දක්වා ඉහළ දමා ඇත. ඉදිරි දින අටක කාලය තුළ මෙට්රික් ටොන් 1300 බැගින් වූ ගෑස් නෞකා තුනක් දිවයිනට පැමිණීමට නියමිතය.• මෙම මාසය සඳහා ඇණවුම් කළ මෙට්රික් ටොන් 28,000න් 18,000ක් මේ වන විටත් මෙරටට ගෙන්වා අවසන්ය.
සිලින්ඩර සඳහා මුදල් ආපසු ගෙවීමේ නියෝගය පාරිභෝගිකයාට ගෑස් ලබා දීමට ලාෆ්ස් සමාගම අපොහොසත් වන්නේ නම්, සිලින්ඩර සඳහා ජනතාවගෙන් ලබාගත් මුදල් ආපසු ගෙවීමට එම සමාගම කටයුතු කළ යුතු බව අමාත්යවරයා ප්රකාශ කළේය. පාරිභෝගිකයාට ගෑසුත් නොමැතිව, සිලින්ඩරය පමණක් තබාගෙන සිටීමෙන් පලක් නොවන බව ඔහු පෙන්වා දුන්නේය.
මීට පෙර 2021 සහ 2022 වසරවලදී ද මෙවැනිම ආකාරයෙන් කෘත්රිම හිඟයක් මවා ගෑස් මිල විශාල ලෙස ඉහළ දැමීමට සමාගම් කටයුතු කළ ආකාරය සිහිපත් කළ අමාත්යවරයා, මෙවර එවැනි තත්ත්වයකට ඉඩ නොතබන බවත්, අවශ්ය වුවහොත් රජයේ ගෑස් සමාගමේ වෙළඳපොළ කොටස තවදුරටත් ඉහළ නැංවීමට කටයුතු කරන බවත් පැවසීය
රාජ්ය පාලිත සමාගමක් වන ලිත්රො ගෑස් සමාගම පවතින්නේ මුදල් අමාත්යංශය යටතේ වන අතර අමාත්යවරයා වන්නේ ජනාධිපති අනුර දිසානායක මහතාය.
මේ පුවත තව අයට බලන්න
COMMENTS