දවසේ පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)
ශ‍්‍රී ලන්කන් වසර 14ක් පැරණි ගුවන් යානයක් බදු ගත්තේ ඇයි... සුල මුල මෙන්න
Homeප්‍රවෘත්ති

ශ‍්‍රී ලන්කන් වසර 14ක් පැරණි ගුවන් යානයක් බදු ගත්තේ ඇයි... සුල මුල මෙන්න

PropellerAds

ශ්‍රීලංකන් ගුවන් සේවයට අලුතින් එක්වූ එයාර්බස් A330-200 පුළුල් බඳ (Wide-body) සහිත ගුවන් යානය අද (ජූනි 04) උදෑසන ප්‍රංශයේ පැරිස් නුවර සිට ම...

42/5 යි… බට්ටිච්චි ගේ වික්‍රමය…
කැමති විදිහට මරණෙ වැඩ කරගන්න රනිල්ගෙන් අලුත් නීතියක්!
පොහොට්ටුවේ ලොක්කෝ හදිසියේම කැදවයි
ශ්‍රීලංකන් ගුවන් සේවයට අලුතින් එක්වූ එයාර්බස් A330-200 පුළුල් බඳ (Wide-body) සහිත ගුවන් යානය අද (ජූනි 04) උදෑසන ප්‍රංශයේ පැරිස් නුවර සිට මෙරටට ළඟා විය. ශ්‍රීලංකන් ගුවන් සේවය වසර 7කට පසු ලබා ගත් Wide-body වර්ගයේ පළමු ගුවන් යානය මෙය යි.

4R-ALT ලියාපදිංචි අංකය දරන මෙම ගුවන් යානය කටුනායක ගුවන් තොටුපළට ගොඩබැස්සවීමට පෙර කොළඹ සහ කටුනායක ප්‍රදේශ හරහා පියාසර කරන අයුරු ජනතාවට ප්‍රදර්ශනය විය.

නැවත වරක් 2022 වසරේ නොවැම්බර් මස 28 වන දා HL8512 යන අංකය යටතේ ලියාපදිංචි කරන ලද මෙම එයාර්බස් ගුවන් යානය දකුණු කොරියාවේ Fly Gangown ගුවන් සේවය විසින් සේවයට එක් කරන ලද අතර ඔවුන් එය 2023 වසරේ මැයි 19 වන දා නැවත එය අයත් සමාගම වෙත භාර දී ඇත.

මෙම එයාර්බස් ගුවන් යානය 4R-ALT ලියාපදිංචි අංකය යටතේ ශ්‍රීලංකන් ගුවන් සේවය විසින් සිය සේවයට එක් කරගෙන ඇත්තේ, ඉන් අනතුරුව ය.

මේ අතර, ශ්‍රීලංකන් ගුවන් සේවයට එක්වූ මෙම ගුවන් යානය සම්බන්ධයෙන් කළ විමසීමකට පිළිතුරු දෙමින්, එම එයාර්බස් ගුවන් යානය 2011 වසරේදී නිෂ්පාදනය කරන ලද එකක් බව හි ප්‍රධාන තාක්ෂණ නිලධාරී කපිතාන් පැට්‍රික් ප්‍රනාන්දු තහවුරු කළේ ය.

“මේ එයාර්බස් එක 2011 අවුරුද්දේදී නිෂ්පාදනය කරලා තියෙන්නේ. මම දන්න හැටියට මුලින් ම මේක පාවිච්චි කරලා තියෙන්නේ ඉන්දුනීසියාවේ ගරුඩා ගුවන් සේවය. ඊට පස්සේ තවත් ගුවන් සමාගමක් මේ ගුවන් යානය භාවිත කරලා තියෙනවා. මේ ගුවන් යානයේ ව්‍යාපාරික පන්තියේ ආසන 18ක් සහ ඉකොනොමි පන්තියේ ආසන 242ක් තියෙනවා. සාමාන්‍යයෙන් මේ වගේ ගුවන් යානයක් බදු ගන්නේ අවුරුදු 6ත් 8ත් කියන කාල සීමාවකට යටත්ව,” ඔහු පැවසුවේ ය.

වසර 14ක් පැරණි ගුවන් යානයක් ශ්‍රීලංකන් ගුවන් සේවයට එක් කර ගත්තේ ඇයි ද යන්න සම්බන්ධයෙන් සමාජ මාධ්‍ය ඔස්සේ ඇතැමුන් ප්‍රශ්න මතු කර තිබිණි.

මෙම කරුණ සම්බන්ධයෙන් බීබීසී සිංහල සේවය විමසීමක් කළ අතර ඊට පිළිතුරු දෙමින් ශ්‍රීලංකන් ගුවන් සමාගමේ ප්‍රධාන තාක්ෂණ නිලධාරී කපිතාන් පැට්‍රික් ප්‍රනාන්දු පැවසුවේ, කොවිඩ් වසංගතය හමුවේ ගුවන් යානා නිෂ්පාදනය කිරීම අඩාළ වී ඇති බැවින් ගුවන් සමාගම්වලට ගුවන් යානා ලබා ගැනීම “අසීරූ කටයුත්තක්” වී ඇති බව ය.

“මේ දවස්වල එයාර් ක්‍රාෆ්ට් මාර්කට් එකේ ලොකු හිඟයක් තියෙනවා. කොවිඩ්වලින් පස්සේ එයාර්ලයින් ඉන්ඩස්ට්‍රි එක මුහුණ දෙන ලොකු ම ගැටලුව තමයි අලුතෙන් ගුවන් යානා නිෂ්පාදනය කරන එක අඩාළ වෙලා තියෙනවා. ඒකට හේතුව තමයි මේ ගුවන් යානාවලට අවශ්‍ය එන්ජින්, ලෑන්ඩින් ගියර් ඇතුළු අමතර උපාංග හදන සමාගම්වල නිෂ්පාදන කටයුතුවලදී මුහුණ දීලා තියෙන ප්‍රමාදයන්. ඒ නිසා අලුත් ගුවන් යානාවල ලොකු හිඟයක් තියෙනවා.”

“ඒ නිසා දැනට ගුවන් සමාගම්වලින් බදු අරන් තියෙන ගුවන් යානා ඒ අයගේ බදු කාලය ඉවර වුණාට පස්සේ නැවත බදු දෙන සමාගම්වලට භාර දෙන එක කරන්නේ නැහැ. ඒ ගුවන් සමාගම් නැවත නැවතත් මේ ගුවන් යානා බදු ගිවිසුම් අලුත් කරන එක යි කරන්නේ.”

“එයාර්බස් 350 වර්ගයේ ගුවන් යානයක් මිල දී ගන්න නම් දැන් 2032 අවුරුද්ද වෙනකම් ඉන්න වෙනවා. ඒ වගේ තත්ත්වයක් තියෙන්නේ දැන්.” ඔහු පැවසීය.

ශ්‍රීලංකන් ගුවන් සේවය විසින් බද්දට ගත් මෙම එයාර්බස් A330-200 වර්ගයේ ගුවන් යානා මෙරට ගුවන් නියමුවන්ට මෙන් ම කාර්මික ශිල්පීන්ට ද හුරුපුරුදු මාදිලියේ ගුවන් යානයක් බව ප්‍රධාන තාක්ෂණ නිලධාරී කපිතාන් පැට්‍රික් ප්‍රනාන්දු වැඩිදුරටත් පැවසුවේ ය.

“මේ එයාර්බස් A330 කියන ගුවන් යානය බොහොම හොඳ එකක්. අපි 1999 ඉඳලා එයාර්බස් 330 යානා පදවලා තියෙනවා. පළවෙනි එයාර්බස් යානය ගේන්න මමත් ගියා ටුලුස්වලට. එතකොට ෆර්ස්ට් ඔෆිසර් කෙනෙක් හැටියට හිටියේ. අපි මේ වර්ගයේ එයාර්බස් ගුවන් යානා අවුරුදු 20-25ක් ඉඳලා පියාසර කරලා තියෙන නිසා ඒ ගැන ලොකු අවබෝධයක් තියෙනවා.”

“මේ ගුවන් යානය තාක්ෂණය අතින් ඉදිරියෙන් ඉන්නවා. සැටලයිට් නැවිගේෂන් වගේ ම, කමියුනිකේෂන්, කාලගුණ දත්ත ලැබෙන රේඩාර් එකක් වගේ ම කඳු ළඟින් යද්දී යම් විදිහකින් ෆ්ලයිට් එක අනතුරුදායක මට්ටමකට ආවොත් ඒ ගැන නියමුවන්ට අනතුරු ඇඟවීම් නිකුත් කිරීමේ සංඥා පද්ධතියක් වගේ ම නියමුවන් රහිතව ගොඩබෑමේ පහසුකම් මේ යානයේ තියෙනවා. ඒ වගේ ම මේ ගුවන් යානයට එක දිගට කිලෝමීටර් 8,800ක් දුර පියාසර කරන්න පුළුවන් කිසි ම විදිහකින් නැවත ඉන්ධන සැපයීමකින් තොරව,” ඔහු පැහැදිල’ කළේ ය.

නව ගුවන් යානයත් සමග දැන් ශ්‍රීලංකන් ගුවන් සේවය සතු Wide-body ගුවන් යානා සංඛ්‍යාව 10ක් වන අතර, Narrow-body ගුවන් යානා 13ක් ශ්‍රීලංකන් ගුවන් සමාගම සතුව පවතින බව ද ප්‍රධාන තාක්ෂණ නිලධාරී කපිතාන් පැට්‍රික් ප්‍රනාන්දු පැවසීය.

ශ්‍රීලංකන් ගුවන් සේවය සඳහා ඇති ඉල්ලුම ඉහළ යමින් පවතින අතර, එම ඉල්ලුමට සාපේක්ෂව තම සේවාවන් පුළුල් කිරීමට ගුවන් සේවය සැලසුම් කර ඇතැයි එම සමාගමේ සභාපති සරත් ගනේගොඩ පැවසුවේ ය.

“මේක ශ්‍රීලංකන් ගුවන් සේවයේ මෙහෙයුම් මෙන් ම ගුවන් යානා එකතුව සම්බන්ධ දීර්ඝ කාලීන ක්‍රමෝපායෙහි නව පරිච්ඡේදයක ආරම්භය සනිටුහන් කරනවා. මෙමගින් අපගේ සේවාවන් සඳහා ක්‍රමයෙන් වර්ධනය වන ඉල්ලුම සපුරාලීමට වගේ ම සංචාරක කර්මාන්තයේ ජාතික මට්ටමේ ඉලක්ක ළඟා වීමට වැඩි දායකත්වයක් ලබා දෙන්න අපට පුළුවන් වේවි. ශ්‍රී ලංකාව ඉහළ ම තලයේ සංචාරක ගමනාන්තයක් ලෙස ජනප්‍රිය වෙමින් පවතින මේ මොහොතේ, ජාත්‍යන්තර සංචාරකයන් ශ්‍රී ලංකාව සමග සම්බන්ධ කිරීම සඳහා මෙම ගුවන් යානය මගින් කැපීපෙනෙන කාර්යභාරයක් ඉටු වෙයි,” ශ්‍රීලංකන් ගුවන් සේවයේ සභාපති සරත් ගනේගොඩ පැවසීය.

මේ අතර, ගුවන් යානා සංඛ්‍යාව වැඩි වීම මගින් විශේෂයෙන් ම දිගු දුර ගුවන් ගමන් ඇතුළුව සමස්තයක් ලෙස ශ්‍රීලංකන් ගුවන් සේවයේ මෙහෙයුම් කටයුතු වඩාත් කාර්යක්ෂම හා පහසු වනු ඇති බව ශ්‍රීලංකන් ගුවන් සේවය නිවේදනයක් නිකුත් කියමින් සඳහන් කර තිබේ.

BBC sinhala
Name

ආරක්ෂක,354,ඕපදූප,2144,ක්‍රීඩා,101,ගොසිප්,7654,ඡායාරුප,15,දේශපාලන,13387,ප්‍රවෘත්ති,29543,විදෙස්,32,විශේෂ පුවත්,3803,විශේෂාංග,3,හෙලිදරව්ව,140,
ltr
item
දවසේ පුවත් 24x7 - Dawase Puwath 24x7: ශ‍්‍රී ලන්කන් වසර 14ක් පැරණි ගුවන් යානයක් බදු ගත්තේ ඇයි... සුල මුල මෙන්න
ශ‍්‍රී ලන්කන් වසර 14ක් පැරණි ගුවන් යානයක් බදු ගත්තේ ඇයි... සුල මුල මෙන්න
https://blogger.googleusercontent.com/img/b/R29vZ2xl/AVvXsEiJagQFEEjOr6NutXChVb_BQoI58qBtSEhIjr4-yfBFQvsUoEgJjPvnPOlZ-0SFtEyOOciy4rAD6NO-69kKRfUNKZuxX1Wkb7U6S_8DFeAY7RmddQ7uFr0ga6JOMELB2fzgjMBywNTUwySt6bf6yupZaCMbwyJ6NA6LKMeuyWxMfetM9txcbSGjgEUe2c3W/s320/sri-lankan.webp
https://blogger.googleusercontent.com/img/b/R29vZ2xl/AVvXsEiJagQFEEjOr6NutXChVb_BQoI58qBtSEhIjr4-yfBFQvsUoEgJjPvnPOlZ-0SFtEyOOciy4rAD6NO-69kKRfUNKZuxX1Wkb7U6S_8DFeAY7RmddQ7uFr0ga6JOMELB2fzgjMBywNTUwySt6bf6yupZaCMbwyJ6NA6LKMeuyWxMfetM9txcbSGjgEUe2c3W/s72-c/sri-lankan.webp
දවසේ පුවත් 24x7 - Dawase Puwath 24x7
https://dawasepuwath.blogspot.com/2025/06/14.html
https://dawasepuwath.blogspot.com/
https://dawasepuwath.blogspot.com/
https://dawasepuwath.blogspot.com/2025/06/14.html
true
5590602525442973499
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy