හිටපු පාර්ලිමේන්තු මන්ත්‍රීනී හිරුණිකා ප්‍රේමචන්ද්‍ර සහ ඇයගේ මව වන සුමනා ප්‍රේමචන්ද්‍ර, හිටපු පාර්ලිමේන්තු මන්ත්‍රී දුමින්ද සිල්වාට ජනාධිප...
හිටපු පාර්ලිමේන්තු මන්ත්‍රීනී හිරුණිකා ප්‍රේමචන්ද්‍ර සහ ඇයගේ මව වන සුමනා ප්‍රේමචන්ද්‍ර, හිටපු පාර්ලිමේන්තු මන්ත්‍රී දුමින්ද සිල්වාට ජනාධිපතිවරයා විසින් ලබාදුන් ජනාධිපති සමාවේ නීත්‍යානුකූල භාවය අභියෝගයට ලක් කරමින් ගොනු කර ඇති මූලික අයිතිවාසිකම් පෙත්සම් විභාග කිරීම සඳහා ශ්‍රේෂ්ඨාධිකරණයේ විනිසුරුවරුන් පස් දෙනෙකුගෙන් සමන්විත පූර්ණ විනිසුරු මඩුල්ලක් ඉල්ලා තිබේ.
හිරුණිකා ප්‍රේමචන්ද්‍ර සහ සුමනා ප්‍රේමචන්ද්‍ර වෙනුවෙන් පෙනී සිටි ජනාධිපති නීතීඥ එම්.ඒ.සුමන්තිරන් සහ නීතීඥ එරාජ් ද සිල්වා පිළිවෙළින් ශ්‍රේෂ්ඨාධිකරණයේ විනිසුරුවරුන් පස් දෙනෙකුගෙන් හෝ ශ්‍රේෂ්ඨාධිකරණයේ විනිසුරුවරුන් වැඩි ගණනකින් සමන්විත ආණ්ඩුක්‍රම ව්‍යවස්ථාවේ 132(3) වගන්තිය ප්‍රකාරව නියෝගයක් නිකුත් කරන ලෙස ඉල්ලා සිටියහ.
පූර්ණ විනිසුරු මඩුල්ලක් සඳහා වන ඉල්ලීම ඒ අනුව අගවිනිසුරුවරයා වෙත යොමු කෙරේ.
දුමින්ද සිල්වා මහතාට ලබාදුන් ජනාධිපති සමාව නීතියෙන් වලංගු නොවන බවට ප්‍රකාශ කරන ලෙස ද පෙත්සම්කරුවන් ඉල්ලා සිටියි.
COMMENTS