වත්මන් අසාර්ථක ආණ්ඩුව වෙනස් කළ යුත්තේ එය බලයට ගෙන ඒමට ඡන්දය දුන් හැටනම ලක්ෂයක ජනතාව විසින්ම බව සමගි ජන බලවේගය කටාන ආසන සංවිධායක විජිත් විජ...
වත්මන් අසාර්ථක ආණ්ඩුව වෙනස් කළ යුත්තේ එය බලයට ගෙන ඒමට ඡන්දය දුන් හැටනම ලක්ෂයක ජනතාව විසින්ම බව සමගි ජන බලවේගය කටාන ආසන සංවිධායක විජිත් විජයමුණි සොයිසා පැවසීය. විපක්ෂ නායක කාර්යාලයේ ඊයේ (27දා) පැවති මාධ්‍ය හමුවේ දී අදහස් දැක්වූ මන්ත්‍රීවරයා මේ බව සඳහන් කළේය. මන්ත්‍රීවරයා එහිදී මෙසේද පැවැසීය.
මේ රජය බලයට පත් කරපු හැටනම ලක්ෂයම තමයි මේ රජය වෙනස් කළ යුත්තේ. ශ්‍රී ලංකා නිදහස් පක්ෂයේ හිටපු නායකයෙක්, සභාපතිවරයෙක් විදියට ඒ වගේම, ජ්‍යෙෂ්ඨ ඇමතිවරයෙක් විදියට රාජපක්ෂලා ගැනත්, ඒ රජයේ වැඩපිළිවෙළ ගැනත් අපි ජනතාවට තේරුම් කර දුන්නා. ඒ අපි ඇහැට දැකල, කනට ඇහිලා, ඇඟට දැනිලා, ස්පර්ශ වෙලා තිබුණ නිසා. ඒ බව පසුගිය ජනාධිපතිවරණයේදීත්, මහ මැතිවරණයේදීත් හඬනගා ජනතාවට කිව්වා, රාජපක්ෂවරුන්ගෙ වත ගොත ගැන. නමුත් හැටනම ලක්ෂය ගණන් ගත්තේ නැහැ. ඔවුන් ඉතාම අන්ධ භක්තික බුද්ධාගමත්, සිංහල ජාතියත් පෙරටු කරගෙන මිත්‍යාව බොරුව, වපුරවමින් බලය ගත්තා. ඒකට හැටනම ලක්ෂය වගකිව යුතුයි.
දිවුරුම් දුන්නේ රුවන්වැලි මහා සෑය අසල. ඉතිහාසයේ කවදාවත් එම ස්ථානයේ හූ කියලා නැහැ. පූජනීය ස්ථානයක්. හූවෙන් පටන් ගත්තේ. හූවෙන් තමයි ඉවර වෙන්නෙත්. අද අපි ඩොලර් ට්‍රිලියන දොළහයි දශම හයක්, ඒ කියන්නේ කෝටි ලක්ෂයක් ණය ගෙවන්න තියෙනවා. ජනගහනයෙන් එක් අයෙක් ලක්ෂ පහක් ණය වෙලා තිබෙනවා. දෛනික ආදායම සහ වියදම අතර පරතරය මිලියන දෙසීයක් තියෙනවා. ඒකයි රටේ තත්වය. මේ ආණ්ඩුව ජනතාව කාලකන්නි ස්වභාවයකට ඇද දාලා. රාජ්‍ය සේවය කාලකන්නි ස්වභාවයකට ඇද දාලා. කාලය විනාශ වෙනවා. මිනිස්සුන්ට සැමන් ටින් එක ගන්න පෝළිමේ ඉන්න වෙනවා. හෙට අනිද්දා පාන් ගෙඩිය ගන්න පෝළිමේ ඉන්න වෙනවා. තෙල් ගන්නත් පෝළිමේ ඉන්නවා. අද එක පැත්තකින් පොහොර ටික ගන්න පෝළිමේ ඉන්න වෙලා තියෙනවා. කාබනික පොහොර කියලා ලොකු මිත්‍යාවක් රට තුළ තිබෙනවා. එය කැලණියේ නාගයා වගේ. කාබනික ගොවිතැන කිව්වම මහින්දානන්ද හිතනවා ගොම ටිකක් දැම්මම හරි කියලා. ඒවා සාර්ථක නැහැ. එහි ප්‍රතිඵල සියයට දෙකක්වත් නැහැ. ඒ තරම්ම මන්දගාමීයි. හේතුව පාංශු ඛාදනය වෙලා පස් තට්ටු නැවත යාවත්කාලීන කරන්න අවශ්‍යයි. එය පහසු ක්‍රියාවලියක් නොවෙයි. වසර විස්සක විතර ක්‍රියාවක්. අපිට සාම්ප්‍රදායික කෘෂි කර්මාන්තයක් තිබෙනවා. එය ඉහළ තැනක තිබුණා.
පුවත්පතක සඳහන් වෙනවා හිටපු ජනාධිපති මෛත්‍රීපාල සිරිසේන මැතිතුමාගේ පින්තූරයත් සමග, ජනපති හා ශ්‍රී ලංකා නිදහස් පක්ෂය නියෝජිතයන් අතර තිබූ සාකච්ඡාව සාර්ථකයි කියලා. අපිට සන්තෝෂයි සාර්ථක නම්. හැබැයි තවත් පත්තරේක ශ්‍රී ලංකා නිදහස් පක්ෂය පොහොට්ටුවේ ප්‍රධාන පක්ෂය ලෙස සිතීම වැරැද්දක් කියල සාගර කාරියවසම් කියා තිබෙනවා. එක පැත්තකින් කුඩම්මගෙ සැළකිලි. අනිත් පැත්තෙන් අපට පේනවා ජනාධිපති සමග එක මග යනවා. බැසිල් තව මගක යනවා. පළමුවෙන්ම හිතුවා මහින්ද රාජපක්ෂ තමයි මේ රට බේරගන්න ගොඩදාන්නෙ කියලා. ඒක අසමත් උණා. මහින්ද මහත්තයා ජනෙල් එල්ලිලා. බැසිල් රට ගියා. මහින්ද ගෙදර ගියා. ශ්‍රී ලංකා කාරයින්ට රෙද්දෙ ගියා. බැසිල් ගියේ පරාජය පිළිඅරගෙන. ආර්ථික සංවර්ධන ඇමැතිවරයා විදියට සියලු සංවර්ධන කටයුතු හැමෝගෙම අමාත්‍යාංශය ඇඟිලි ගහලා, ව්‍යාපෘතිවලට ඇඟිලි ගහලා ඔක්කොම සල්ලි ටික ඇදලා ගත්තා එක තැනකට. මම වනජීවී ඇමැති. වාහන ගේන්න කැබිනට් පත්‍රිකාව දාන්නෙ මම. වාහන ඕඩර් කරන්නෙ, ගේන්නේ බැසිල් මහත්තයා, ආර්ථික සංවර්ධන ඇමැති. ඒක තමයි කළේ. අද කෙරෙන්නෙත් ඒ ටිකම තමයි. එහෙම ගියපු බැසිල් නැවත ලංකාවට ඇවිල්ලා. දැන් ඔහු වීරයෙක් හැටියට පොහොට්ටු කට්ටිය බොහොම ආසාවෙන් පිළිගත්ත. හැබැයි ඉතින් කරපු දෙයක් නැහැ. විසිල් විතරයි බල්ටි නැහැ.”
නයන තරංග ගමගේ
COMMENTS