මුස්ලිම් පල්ලියක භාරකරුවෙකුගේ නිවසින් අවි ආයුධ තොගයක් හමුවෙයි

ඒ කල මැතිව් පාරේ ජමාතුල් ජමාත් මුස්ලිම් පල්ලියේ භාරකරු වු තුවාන් මොහොමඩ් අසාරි නමැත්තාගේ නිවසේ තිබී අවිආයුධ තොගයක් සොයාගෙන තිබෙනවා. පොලිස් ...

ඒකල මැතිව් පාරේ ජමාතුල් ජමාත් මුස්ලිම් පල්ලියේ භාරකරු වු තුවාන් මොහොමඩ් අසාරි නමැත්තාගේ නිවසේ තිබී අවිආයුධ තොගයක් සොයාගෙන තිබෙනවා. පොලිස් විශේෂ කාර්යංශයේ නිලධාරීන්ට ලද තොරතුරක් අනුව පොලීසිය සහ ගුවන් හමුදා නිලධාරීන් එක්ව සිදු කළ විශේෂ සෝදිසි මෙහෙයුමකදී මෙම අවි ආයුධ තොගය සොයාගෙන තිබෙනවා.

ජා-ඇල කණුවන ප්‍රෙස්වත්ත ප්‍රදේශයේ පිහිටි සැකකරුගේ නිවසේ තිබී සොයාගත් මෙම අවිආයුධ තොගය අතර බලපත්‍ර රහිත බෝර 12 තුවක්කුවක් හා එයට යොදන පතුරම් 72ක් ,වායු රයිෆල්යක් හා එයට යොදන උණ්ඩ 300ක්,තහනම් පිහි 03ක්, ගුවන් යානා නාශක හිස් උණ්ඩ 4ක්,එම්.පි.ඒ.ජී.උණ්ඩ19ක් සහ පොයින්ට් 22 වර්ගයේ උණ්ඩ 07 ක් සොයා ගෙන තිබෙනවා.

අත්අඩංගුවට ගත් සැකකරු විදුලි මෝටර් කාර්මිකයකු සහ යන්ත්‍ර උපකරණ අළුත්වැඩියාව කරන්නකු ලෙසද කටයුතු කර ඇති අතර ඔහු ශ්‍රී ලංකා ගුවන් හමුදාවේ සේවය කර ඉන් ඉවත් වු අයකු බවද අනාවරණය වී ඇති බවයි වාර්තා වුනේ.

මේ අතර පොලීස් විශේෂ කාර්ය බළකාය හා අපරාධ පරීක්ෂණ දෙපාර්තමේන්තුවේ නිලධාරීන් එක්ව කුලියාපිටිය, සුභාරතීපුර ප්‍රදේශයදී පුද්ගලයෙකු අත්අඩංගුවට ගෙන තිබෙනවා. එම පුද්ගලයා පාස්කු ඉරිදා ප්‍රහාරය එල්ල කළ ජාතික තව්හිද් ජමාත් සංවිධානයේ නායක සහරාන් හෂීම් නැමැති පුද්ගලයාගේ සමීපතමයෙකු වන මොහොමඩ් අන්වර් මොහොමඩ් රිස්කාන් නමැත්තෙකු බවයි වාර්තා වුනේ.