ගෝඨාභය රාජපක්ෂ මහතා ශ්‍රී ලංකා පොදුජන පෙරමුණේ ජනාධිපති අපේක්ෂකයා බව මහින්ද රාජපක්ෂ මහතා තීරණය කිරීමත් සමඟ තුළ උද්ගත වී තිබෙන දේශපාලනය තත්ත...
ගෝඨාභය රාජපක්ෂ මහතා ශ්‍රී ලංකා පොදුජන පෙරමුණේ ජනාධිපති අපේක්ෂකයා බව මහින්ද රාජපක්ෂ මහතා තීරණය කිරීමත් සමඟ තුළ උද්ගත වී තිබෙන දේශපාලනය තත්ත්වය සැලකිල්ලට ගෙන තමන්ට සිටින ජනප්‍රියම නායකයා වන සජීත් ප්‍රේමදාස මහතා ජනපති අපේක්ෂකයා ලෙස නම් කළ යුතුයැයි එජාප මන්ත්‍රී කණ්ඩායම අතර සාකච්ඡාවක් ආරම්භ වී ඇතැයි වාර්තා වේ.
මේ පිළිබඳ අදහස් දැක්වූ එජාප අමාත්‍යවරයෙකු ප්‍රකාශ කළේ මෙම අවස්ථාව රනිල් වික්‍රමසිංහ මහතාට තිබෙන අවසන් අවස්ථා වූවත්, පැරදෙන අපේක්ෂකයෙකු ජනාධිපතිවරණයට ඉදිරිපත් කිරීමට තම පක්ෂය සූදානම් නැති බවය.
ඒ අනුව පක්ෂයේ බොහෝ දෙනෙකු මෙවර ජනාධිපති අපේක්ෂකයා ලෙස සජීත් ප්‍රේමදාස මහතා නම් කරන්න යැයි ඉල්ලමින් සිටින බවද ඔහු ප්‍රකාශ කළේය.
අලුතින් උද්ගතවී තිබෙන මෙම තත්ත්වය පිළිබඳව එළැඹෙන සතියේදී සජීත් ප්‍රේමදාස මහතා හමුවී සාකච්ඡා කිරීමට මන්ත්‍රී කණ්ඩායමක් සුදානමින් ඇතැයි ප්‍රකාශ කරන ඒ මහතා, පක්ෂයේ නායකත්වය සමග ජනාධිපති සටන මෙහෙයවන්න අවශ්‍ය සියලු බලය පක්ෂය ඔහුට පවරන්නේ නම් ඔහු ඒ සඳහා සුදානම් බව දැනගන්නට ඇතැයිද කීවේය.
මේ වනවිට තම පක්ෂය ගමින් ගමට යමින් ජනතාව ඒකාරාශී කරමින් සිටින බව ප්‍රකාශ කරන ඔහු වැඩිදුරටත් ප්‍රකාශ කළේ රනිල් වික්‍රමසිංහ, සජීත් ප්‍රේමදාස, පාඨලී චම්පික රණවක, රාජීත සේනාරත්න යන මහත්වරුන්ගේ නම් පිළිබඳව මේ මොහොතේ දී පක්ෂය තුළ සාකච්ඡාවක් ඇතිවී ඇති බවයි.
එහෙත් තම පක්ෂයේ ජනප්‍රියම නායකයා වන සජීත් ප්‍රේමදාස මහතා කෙරෙහි වැඩි අවධානයක් ගෝඨාභය රාජපක්ෂගේ ආගමනය සමග සිදුවී ඇති බවද ඔහු ප්‍රකාශ කරයි.
COMMENTS