එක්සත් ජනතා නිදහස් සන්ධානයේ පාර්ලිමේන්තු කණ්ඩායමේ රැස්වීමක් ජනාධිපතිවරයාගේ ප්‍රධානත්වයෙන් පසුගියදා පැවැත්විණි. එහිදී හිටපු ජනාධිපති මහින්...
එක්සත් ජනතා නිදහස් සන්ධානයේ පාර්ලිමේන්තු කණ්ඩායමේ රැස්වීමක් ජනාධිපතිවරයාගේ ප්‍රධානත්වයෙන් පසුගියදා පැවැත්විණි.
එහිදී හිටපු ජනාධිපති මහින්ද රාජපක්ෂ මහතා ශ්‍රී ලංකා නිදහස් පක්ෂයට පත්කළ නව මහ ලේකම්වරයාගේ ක්‍රියා කලාපයට නොසතුට පළ කර සිටියේය.
ශ්‍රීලනිප මහ ලේකම් මාධ්‍ය නිවේදන වලදී මීට වඩා වගකීමෙන් කටයුතු කළ යුතු යැයි හිටපු ජනාධිපතිවරයා එහිදී පවසා ඇත.
එහිදී වැඩිදුරටත් අදහස් දැක්වූ රාජපක්ෂ මහතා අවධාරණය කර සිටියේ ශ්‍රීලනිප මහ ලේකම්වරයා විසින් විරුද්ධවාදීන් ශක්තිමත් කරවීම පිණිස සිදු කරන මාධ්‍ය ප්‍රකාශ වහාම නැවැත්විය යුතු බවයි.
මහින්ද රාජපක්ෂ මහතා තවමත් ශ්‍රීලංකා නිදහස් පක්ෂයේ සාමාජිකයෙකු නම් පක්ෂය වෙනුවෙන් වැඩ කලයුතු බවත් එසේ නොමැතිව වෙනත් පක්ෂ වලට සහයෝගය දෙන්නේ නම් රාජපක්ෂ මහතාගේ පාර්ලිමේන්තු අසුන අහිවී යනු ඇතැයි ශ්‍රීලනිප මහ ලේකම් දයාසිරි ජයසේකර මහතා පසුගිය ඉරිදා දින මාධ්‍ය වෙත අදහස් දක්වමින් කියා සිටියේය.
හිටපු ජනාධිපතිවරයා පක්ෂයේ යාවජීව සාමාජිකයෙක් සහ අනුශාසකයෙක් බව පවසා සිටියද අපට පැහැදිලි නැති බවත් ඒ වෙනුවෙන් හිටපු ජනපතිවරයා පැහැදිලි ප්‍රකාශයක් සිදු කල යුතු බවත් එහිදී ජයසේකර මහතා වැඩිදුරටත් පවසා තිබේ.
COMMENTS