මොරගහකන්ද – කළු ගඟ ජලාශ ව්‍යාපෘතිය යටතේ අවතැන්වූ කළුගඟ ප්‍රදේශයේ ග්‍රාමසේවා වසම් 12ක ජනතාවගේ දු දරවන්ට ඉඩම් ලබාදෙන ලෙස බලකරමින් හා ඉඩම් හි...
මොරගහකන්ද – කළු ගඟ ජලාශ ව්‍යාපෘතිය යටතේ අවතැන්වූ කළුගඟ ප්‍රදේශයේ ග්‍රාමසේවා වසම් 12ක ජනතාවගේ දු දරවන්ට ඉඩම් ලබාදෙන ලෙස බලකරමින් හා ඉඩම් හිමිකම් ලබාදෙන කඩයිම් දින ඉවත්කරන ලෙස ඉල්ලමින් ඊයේ (05) ලග්ගල- පල්ලේගම නව නගර මධ්‍යයේ ආරම්භ කළ විරෝධතාවය විසදුමක් ලබා දෙනතුරු අඛණ්ඩව පවත්වා ගෙනයාමට තීරණය කර ඇත.
මොරගහකන්ද – කළුගඟ ජලාශයෙන් අවතැන්වුවන්ගේ සංවිධානය විසින් විසින් මෙම විරෝධතාවය ආරම්භ කෙරිණි.
විරෝධතාවය අතරතුර එම ස්ථානයට පැමිණි මහවැලි නේවාසික ව්‍යාපාර කළමනාකාරවරයා ඇතුළු නිලධාරින් විරෝධතාකරුවන්ගේ ගැටළු පිලිබදව සාකච්චා කිරීමට අමාත්‍යංශ ලේකම්වරයා සමග ලබන 17 දින අවස්ථාවක් ලබාදීමට සුදානම් බව නිලධාරීන් ප්‍රකශ කළත් විරෝධතාකරුවන් එම ඉල්ලීම ප්‍රතික්ෂේප කළහ.
මේ පිලිබදව අදහස් දැක්වූ එහි කමිටු සාමාජික කේ.ජි. බණ්ඩාරතිලක මහතා කියා සිටියේ මෙම ව්‍යාපෘතියෙන් අවතැන්වූවන් තෝරාගෙන විකල්ප ඉඩම් ලබාදීමේ වැඩ පිළිවෙල 2008 වසරේ සිට අවස්ථවන් කීපයකදී ප්‍රමාදවෙමින් ඉදිරියට ඇදී ගිය බවත් ග්‍රාම සේවා වසම් 12ක මුල්ම පදිංචි පවුල් 930කට කළු ගඟ දකුණු ඉවුර යටතේ ඉඩම් ලබාදුන් බවත්, යලි 2011 වසරේ දෙවන අදියර යටතේ තවත් පවුල් 250කට විකල්ප ඉඩම් ලබා දුන් බවය.
කෙසේ වෙතත් එසේ එම පවුල්වලට ඉඩම් ලබාදීම සිදුකලත් එම පවුල්වලට සිය ජීවනෝපාය සදහා තවමත් වියලි ආහාර සලාකය මත යැපීමට සිදුව ඇති බවත් විකල්ප ඉඩම්වල වගා කිරීම සදහා අවශ්‍ය ජලය ඇතුළු පහසුකම් මෙතෙක් ලබාදී නොමැති බවය.
එසේ ජීවනෝපාය මාර්ග අහිමිවූ පවුල්වල දු දරුවන්ද මේ වනවිට විවාහවී ඔවුන් පදිංචිවීමට ඉඩම් නොමැතිව ඔවුන්ගේ දෙමව්පියන්ගේ නිවෙස්වල පදිංචිවී සිටින බවත් දෙමව්පියන්ට ලබාදෙන වියලි සලාකයෙන් එම අනු පවුල්ද ජීවත්වෙමින් සිටින බව බණ්ඩාරතිලක මහතා කියා සිටියේය.
ව්‍යාපෘතියේ ඉදිකිරීම් අවසන් අදියරේ පවතින තත්වය තුළ තවත් පවුල් 150ක් පමණ පිරිසකට ඉඩම් හිමිකම් ලබාදෙන ලෙසත් අවතැන්වුවන් පදිංචි කරන ලද කළු ගඟ දකුණු ඉවුරේ ඉඩම්වලට අවශ්‍ය ජලය, ඇලවේලි සකස් කිරීම ඇතුළු යටිතල පහසුකම් සදහා ස්ථිර විසදුමක් ලබාදෙන තෙක් ව්‍යාපෘතියේ කඩයිම් දින වෙනස්කර තමන්ට සහන ලබා දෙන ලෙස ඔවුන් මහවැලි බලධාරීන්ගෙන් ඉල්ලා සිටින බවද බණ්ඩාරතිලක මහතා කියා සිටියේය.
COMMENTS