අගමැති වැය ශිර්ෂය කපා හරින යෝජනාවක් අද පාර්ලිමේන්තුවේ විවාදයට ගන්නේ ආණ්ඩුක්‍රම ව්‍යවස්ථාවේ 152 ව්‍යවස්ථාව උල්ලංඝණය කරමින් බවත්, එම නිසා එද...
අගමැති වැය ශිර්ෂය කපා හරින යෝජනාවක් අද පාර්ලිමේන්තුවේ විවාදයට ගන්නේ ආණ්ඩුක්‍රම ව්‍යවස්ථාවේ 152 ව්‍යවස්ථාව උල්ලංඝණය කරමින් බවත්, එම නිසා එද කිසිසේත්ම ඊට සහභාගී විය නොහැකි බවත් පාර්ලිමේන්තු මන්ත්‍රී බන්දුල ගුණවර්ධන මහතා පැවසීය.
කතානායක කරු ජයසූරිය මහතාගේ ප්‍රධානත්වයෙන් පැවැති පක්ෂ නායක රැස්වීම අවසන්විය. අද දින වැඩකටයුතු න්‍යාය පත්‍රයට අනුව සිදු කිරීමට පක්ෂ නායකයන් එකඟ වී ඇත.
පක්ෂ නායක රැස්වීමට මහින්ද රාජපක්ෂ මහතාගේ පාර්ශ්වයේ කිසිවකුත් සහභාගී වී නැතැයි දැනගන්නට තිබේ.
අදට නියමිත න්‍යාය පත්‍රයේ ඇත්තේ අගමැති වැය ශිර්ෂය කපන යෝජනාවයි.
අද පාර්ලිමේන්තුවේ න්‍යායපත්‍රය ප්‍රසිද්ධියට පත් කර තිබේ. මීට පෙර මහින්ද රාජපක්ෂ මහතාගේ පාර්ශ්වයෙන් චෝදනා කළේ න්‍යායපත්‍රයක් නැතිව පාර්ලිමේන්තු කටයුතු සිදුවන බවටයි.
අද පාර්ලිමේන්තුවේ න්‍යායපත්‍රයේ පළමු වැනියට යොදා ඇත්තේ අගමැති වැය ශීර්ෂය කපන යෝජනාවයි.
මීට පෙර පාර්ලිමේන්තුවට ගෙන ආ යෝජනා නියමිත ක්‍රමවේදයෙන් බැහැරව ගෙන ආ බවට චෝදනා එල්ල විය. කෙසේ වෙතත් තවත් මන්ත්‍රීවරුන් කොටසක් කීවේ පාර්ලිමේන්තුවට යෝජනාවක් ගෙන එන ක්‍රම දෙකක් ගැන ස්ථාවර නියෝග වල සඳහන් බවයි. ඉන් එක් ක්‍රමයක් වන්නේ න්‍යාය පුස්තකයට ඇතුළත් කර දින පහකට පසු න්‍යායපත්‍රයට ඇතුළත් කර විවාදයට ගැනීම බවත්, ස්ථාවර නියෝග අත්හිටුවා යෝජනාව ඉදිරිපත් කිරීම අනිත් ක්‍රමය බවත් මන්ත්‍රීවරු කීහ.
කෙසේ වෙතත් මෙම යෝජනාව ගෙනැවිත් ඇත්තේ න්‍යාය පුස්තකයට ඇතුළත් කර සාමාන්‍ය ක්‍රමවේදය යටතේ බව කියති.
14 වැනි දා පැවැති විශ්වාස භංගය සම්මත වීමෙන් පසු අගමැතිවරයකු සහ ආණ්ඩුවක් නොමැති බැවින් රජයේ මුදල් අනුමත කිරීමට අග්‍රාමාත්‍ය ලේකම්වරයාට බලයක් නොමැති බව මෙම යෝජනාවේ සඳහන්වේ.
පාර්ලිමේන්තුවේ කටයුතු ආරම්භ වීමට පෙර උදෑසන 9.00ට පක්ෂ නායක රැස්වීමක් කතානායක කරු ජයසූරිය මහතාගේ ප්‍රධානත්වයෙන් ආරම්භ විය.
පාර්ලිමේන්තුව අද 10.30ට ආරම්භ වීමට නියමිතය.
පාර්ලිමේන්තුවේ අදට නියමිත කාර්යන්ට අදාලව එහිදී සාකච්ඡා කරනු ඇතැයි දැනගන්නට තිබේ.
නීත්‍යනුකූල අගමැතිවරයකු නොමැති බැවින් අගමැති කාර්යාලයේ වැය ශිර්ෂය කපන යෝජනාවක් අද විවාදයට ගැනීමට නියමිත බව පැවසේ.
COMMENTS