මහනුවර ප්‍රදේශයේ ඇති වූ කලහකාරී සිදුවීමට සැකපිට පසුගිය මාර්තු මස 8 වනදා අත්අඩංගුවට පත් මහසෝන් බලකායේ නායක අමිත් වීරසිංහ ඇතුළු පිරිසෙන් ඔහු...
මහනුවර ප්‍රදේශයේ ඇති වූ කලහකාරී සිදුවීමට සැකපිට පසුගිය මාර්තු මස 8 වනදා අත්අඩංගුවට පත් මහසෝන් බලකායේ නායක අමිත් වීරසිංහ ඇතුළු පිරිසෙන් ඔහු සමඟ පස් දෙනෙකු අද ඇප මත මුදා හැරුණේ මහනුවර ආණ්ඩුවට මහධිකරණය නියෝගයකට අනුවය.
ඇප ලබා අධිකරණ භූමියෙන් පිටතට පැමිණි ඔහු ජනාධිපතිවරයා සහ හිටපු ආරක්ෂක ලේකම්වරයා ඝාතන කුමන්ත්‍රණය සම්බන්ධයෙන් හෙළිදරව් කළ දූෂණ විරෝධී බලකායේ නාමල් කුමාර හා හිටපු නියෝජ්‍ය පොලිස්පති නාලක ද සිල්වා මහතා පිළිබඳ මාධ්‍ය හමුවේ විශේෂ අනාවරණයක් සිදු කළේය.
“මාර්තු මාසයේ ඒකාබද්ධ විපක්ෂයේ රනිල් වික්‍රමසිංහට එරෙහිව ගෙනාපු දෝෂාභියෝගය ජයගන්න හිතාගෙන මේ අයට අලුත් ක්‍රමයක් හොය හොය ඉන්න වෙලාවක තමා මේ මහනුවර තෙල්දෙනිය සිද්ධිය ටිකට් එකක් ඇදුණා වගේ පහල වුණේ. වැට උඩ හිටපු මුස්ලිම් කොංග්‍රසය තමන්ගේ පැත්තට ඡන්ද දෙන තැනට, පාර්ලිමේන්තුවේ තමන්ගේ පැත්තට අත උස්සන තැනට පත්කරගත්තා. හිටපු අගමැතිතුමාගේ සහචරයෙක් වන DIG නාලක සිල්වා නිරපරාදයේ තරුණයා අත්අඩංගුවට අරගෙන ඒ විතරක් නෙවෙයි මාර්තු 08 වෙනිදා රෑ මගේ ගෙදර පත්තරේ ගියේ දහ දෙනෙක් අත්අඩංගුවට කියලා. නෑ එකොළොස් දෙනෙක් අත්අඩංගුවට ගත්තා. 11 වෙනියා තමයි නාමල් කුමාර. මම මගේ කාමරයේ නිදාගෙන ඉද්දී සෝෆා එක උඩ නිදාගෙන හිටියේ, මතක හැටියට පිට්ටු කාළා මතක හැටියට. 11 වෙනියට අත්අඩංගුවට අරගෙන මාව වාහනේ දාගෙන ටික දුරක් ගියාට නාමල් කුමාරව DIG නාලක සිල්වා මාංචු ලිහලා එයාව වෙන වාහනේක දාලා යවනවා. අවසානේදී නාමල් කුමාර කියන පුද්ගලයා මාව අත්අඩංගුවට අරන් දෙන්න ලක්ෂ 5ක් පූජිත ජයසුන්දර මහත්තයා පොරොන්දු වුණා. පූජිත ජයසුන්දර දුන්න ලක්ෂ 05 අරන් තියෙන්නේ DIG නාලක සිල්වා. මේ ලක්ෂ 5 බෙදාගන්න බැරුව පාතාල කල්ලියක් බැංකුවක් කොල්ල කාලා සල්ලි බෙදා ගන්න බැරි වෙද්දී ගහ මරා ගන්නවා වගේ අන්තිමේදී තමන් එකතු වෙලා කර ගියපු ඝාතන කුමන්ත්රණ මෙන්න අර මනුස්සයා විතරයි මේක කළේ කියලා පාවා දෙන තැනට පත් වුණේ නැතුව නාමල් කුමාර කියන්නේ හොඳ පුද්ගලයෙක් නෙමෙයි.”
COMMENTS