Google+ වසා දැමීමට සැලසුම් කෙරේ.

සේවාදායකයින්ගේ දත්තවල රහස්‍ය භාවය ආරක්ෂා කර ගැනීමට නොහැකි වීම හේතුවෙන් Google සමාගමේ සමාජ මාධ්‍ය ජාලය වන Google+ වසා දැමීමට සැලසුම් කෙරෙමින...

සේවාදායකයින්ගේ දත්තවල රහස්‍ය භාවය ආරක්ෂා කර ගැනීමට නොහැකි වීම හේතුවෙන් Google සමාගමේ සමාජ මාධ්‍ය ජාලය වන Google+ වසා දැමීමට සැලසුම් කෙරෙමින් පවතිනවා. ගූගල් සමාගම පවසන්නේ, සිය මෘදුකාංගයේ ඇතිවූ දෝෂයක් නිසා වෙනත් පාර්ශවයකට දත්ත නිරාවරණය වී ඇති බවට ඇතැමුන් තුළ මතයක් පවතින බවයි.

කෙසේ වෙතත්, මෘදුකාංගයේ සිදුව ඇති බව කියන දෝෂය Google+ භාවිත කරන්නන් 500,000 දෙනෙකුට පමණ බලපා තිබෙනවා.

Wall Street Journal සඟරාව පවසන පරිදි ගූගල් සමාගම මෙම දෝෂය පිළිබඳව මාර්තු මාසයේ සිට දැන සිටිය ද, ඒ පිළිබඳව අනාවරණය කිරීමක් කර නැහැ.

Google+ ව්‍යාපෘතිය 2011 වසරේදී ආරම්භ කළ අතර සුළු කලකින්ම එය ෆේස්බුක් සමාජ මාධ්‍යය සමග තරග කිරීමට අසමත් වූ උත්සහයක් බවට පත්වෙමින් පවතින බව දක්නට ලැබුණා.

වසර කිහිපයක් අධ්‍යයනය කිරීමෙන් පසුව Google+ නතර කර දැමීම කෙරෙහි අවධානය යොමුව තිබෙනවා.