මුලතිව් මුහුදේදී අතරමං වූ ජෝර්දානයට අයත් "ෆාරා- 3" නෞකාව නැරඹීම ආරක්ෂක අංශ විසින් 15 දා සිට තාවකාලිකව තහනම් කොට තිබේ. මුලතිව...
මුලතිව් මුහුදේදී අතරමං වූ ජෝර්දානයට අයත් "ෆාරා- 3" නෞකාව නැරඹීම ආරක්ෂක අංශ විසින් 15 දා සිට තාවකාලිකව තහනම් කොට තිබේ.
මුලතිව් ආරක්ෂක නිලධාරීන් පැවසුවේ එම ස්‌ථානයේ පවතින අවදානම් සහගත තත්ත්වයක්‌ හේතුවෙන් තාවකාලිකව මේ පියවර ගත් බවයි. "ෆාරා - 3" නෞකාව සහල් තොගයක්‌ රැගෙන යමින් සිටියදී අනතුරකට ලක්‌ව මුලතිව් මුහුද දෙසට පාවෙමින් තිබියදී 2006 වර්ෂයේදී එල්.ටී.ටී.ඊ. සංවිධානය විසින් එම නෞකාව අත්අඩංගුවට ගන්නා ලදී. එහිදී නෞකාවේ කාර්ය මණ්‌ඩලයද අත්අඩංගුවට ගත් අතර ජාත්‍යන්තර රතුකුරුස කමිටුව මැදිහත් වී කාර්ය මණ්‌ඩලය නිදහස්‌ කරගනු ලැබීය.
හාල් තොගයද එල්.ටී.ටී.ඊ. සංවිධානය ඔවුන්ගේ ප්‍රයෝජනයට ගත් අතර පසු කාලයේදී එල්.ටී.ටී. ඊ. සංවිධානය ඔවුන්ගේ යුද පුහුණුවීම් කටයුතු සඳහා නැව භාවිත කොට තිබිණි.
දිරාපත් වී ගිය නැවේ ඉතිරි කොටස්‌ දෙස්‌ විදෙස් සංචාරකයන්ට මෙතෙක්‌ නැරඹීමේ අවස්‌ථාව උදාවී තිබුණ ද පෙරේ¨දා 15දා සිට එය නතර කොට තිබේ.
COMMENTS