ශ්‍රී ලංකාවේ මුල්ම තේ ගස රෝපණය කරන ලද ලූල්කඳුර තේ වත්තේ හෙක්ටයාර් 20 ක් ඇතුළුව දිවයිනේ මේවන විටත් රජය සතුව පවතින වතු රැසක් ඇතැම් සමාගම්වල...
ශ්‍රී ලංකාවේ මුල්ම තේ ගස රෝපණය කරන ලද ලූල්කඳුර තේ වත්තේ හෙක්ටයාර් 20 ක් ඇතුළුව දිවයිනේ මේවන විටත් රජය සතුව පවතින වතු රැසක් ඇතැම් සමාගම්වලට ලබා දීමට රජය පියවර ගෙන ඇති බව කදුරට ජනතාවගේ ඉඩම් අයිතිය සඳහා වන ව්‍යාපාරය චෝදනා කරයි.
අද 04 වනදා සවස මහනුවර ඩෙවෝන් රෙස්ට්හිදී පැවැති මාධ්‍ය හමුවේදී එහි සාමාජිකයින් මේ බව සඳහන් කළහ.
මෙහිදී අදහස් දැක්වූ එම සංවිධානයේ සම්බන්ධීකාරක තංගවේල් ගනේෂලිගම් මහතා සඳහන් කළේය.
"කඳුරට ජනතාවගේ ජීවිතයේ විශාල අසාධාරණයක් සිදු වෙමින් තිබෙනවා. වර්තමානය වන වට වතු සියල්ලම වාගේ පෞද්ගලීකරණය කර තිබෙනවා. 1992 දී වතු පෞද්ගලික අංශය වෙත ලබා දීමේදී වතු සමඟ එහි සේවය කළ කම්කරු පිරිසත් සමඟම භාර දීම සිදු වුණා. නමුත් රජයේ පාලනය යටතේ මේ වන විටත් රජ්‍ය වැවිලි සංස්ථාව සහ ජනවසම යටතේ පවතින වතු සම්පූර්ණයෙන් පෞද්ගලික අංශය වෙත ලබා දීමට රජය සැලසුම් කර තිබෙනවා .2017.11.23වනදා අමාත්‍ය මණ්ඩල පත්‍රිකායක් ඉදිරිපත් කර තිබෙනවා මෙම අමාත්‍ය මණ්ඩල පත්‍රිකාව මගින් පැහැදිලි කරලා තියෙනවා."
ඔහු තව දුරටත් සඳහන් කළේ, ලූල්කදුර වත්තේ හෙක්ටයාර් 20 ක ඉඩම් කොටසක් එක් හෙක්ටයාරයක් වසරක රුපියල් 4000 කබද්දකට වසර 30කට බදු දී ඇති බවයි.නමුත් මෙම වතුවල ස්ථීරව ජීවත් වන ජනතාවට තවමත් අසාධාරණයන් සිදු වන බවද ඔහු කීහ.
වසර 200 ක ඉතිහාසයක් ඇති මෙම ජන සමූහයට තවමත් ඉඩමක අයිතිය තහවුරු කර නෑ. නකල්ස් රක්ෂිතය ආශ්‍රිතව ඇති ඉඩම් විශාල ප්‍රමාණයක් සංදාරක හෝටල් සඳහා ලබා දෙමින් පවතින පවත් මෙනිසා එම ප්‍රදේශවල විශාල පාරිසරික විනනාශයන් සිදුවන බවත් ඔහු කීය. ඒ වගේම අක්කර 500 ක පමණ කුකුළු ගොවිපළක් ආරම්භ කිරීම සඳහා ඉඩම් පෞද්ගලික අංශයකට ඉඩම් ලබා දීමට උත්සාහයකුත් තිබෙනවා. වතු ජනතාවට පර්චස් හතක ඉඩමක් ලබා දෙන බවට ලිපියක් ලබා දුන්ද තවමත් බොහෝ පිරිසකට තමන්ගේ ඉඩම තියෙන තැනවත් දන්නේ නැති බවද ඔහු කිය. සජිත් ප්‍රේමදාසමහතා ජනතාවට පර්චස් 20 ක ඉඩමක් ලබා දී නිවසකුත් ලබා දෙන නමත් වතු ජනතාවට ඉඩමක් තිබෙන බවද ලිපියක් පමණක් ලබා දී ඇති බවත් ඔහු තව දුරටත් කීය.
මෙහිදී අදහස් දැක්වූ රාජ්‍ය වැවිලි සංස්ථාවේ හිටපු සාමාන්‍යාධාකාරිවරයෙකු වන මෙම ව්‍යාපාරාට් අනුශාසක බුද්ධි ජයසූරිය මහතා මෙසේ කීය.
"වතුකරය පටන් ගත්තේ 1867 දී 1972 /75 කාලයේ ජනසතු කළා. රාජ්‍ය වැවිලි සංස්ථාව සහ ජනතා වතු සංවර්ධන මණ්ඩලය කියල රජයේ ආයතන දෙකක් ඇති කළා. මෙම වතු ජනසතු කරන කාලය වන විට මෙම වතු ජරාජීර්ණ වෙලා තිබුණා. මෙලෙස ලබා ගත් රජයේ ආයන දෙක තුලද තව දුරටත් මේ වතු ජරාජීර්ණ වුණා. 1992/95 කාලය තුල නැවත වරන් පෞද්ගලීකරණයක් කළා. එදා ඉඳලම රජයන් බැලුවේ මේ වතු කාටහරි දීලා අත හෝදාගන්න.92, 95 කාලයේදි වතු සමාගම්වලට දෙන කොට දුන්නේ මළු වත්ත පිටින් එතකොට සේවකයොත් ඒකට ඇතුලත් වුණා. නමුත් දැන් පර්චස් හතකට ඔවුන් කොටු කරල අවට සියලු දේ සමාගම්වලට දෙන්න හදනවා. ඒ නිසා මේ මිනිස්සුන්ගේ ජීවිතවලට විශාල අනතුරක්. ඔවුන්ට වැඩ කරන්න වත්තක් නැති නිසා ජීවනාපෝය සම්පූර්ණයෙන් නැති වෙලා යනවා. මේ වතු ගොඩනැගීම සඳහා රජයට සැලැස්මක් නැති බවත් තමන් මේ සඳහා විකල්ප සැලැස්මක් ඉදරිපත් කළත් රජය එයට රජයේ ඉහළ පිළිගැනීමක් ලැබුණත් තවමත් එයට පිළිතුරක් නෑ"
COMMENTS