වනාතවිල්ලුව අරුවක්කාඩු කසළ රදවන අංගනයට කඩා වැදි එහි දේපළ විනාශ කිරිමට සම්බන්ධව ප්‍රාදේශීය සභා මන්ත්‍රිවරයකු සහ තවත් අයෙකු සැකපිට අත්අඩංගු...
වනාතවිල්ලුව අරුවක්කාඩු කසළ රදවන අංගනයට කඩා වැදි එහි දේපළ විනාශ කිරිමට සම්බන්ධව ප්‍රාදේශීය සභා මන්ත්‍රිවරයකු සහ තවත් අයෙකු සැකපිට අත්අඩංගුවට ගත් බව වනාතවිල්ලුව පොලිසිය පවසයි.
මෙසේ අත් අඩංගුවට ගෙන ඇත්තේ වනාතවිල්ලුව ප්‍රාදේශීය සභාවේ පොදුජන පෙරමුණේ (පොහොට්ටුව) පෙරමුණ නියෝජනය කරනු ලබන බුද්ධික ගිහාන් අබේසිංහ මන්ත්‍රිවරයකු සහ අදාළ භුමියේ දේපළ විනාශ කිරිමට චෝදනා ලැබ සිටි තවත් සැකකරුවෙක් බව කියයි.
අරුවක්කාඩු කසළ රදවනයට විරෝධය පාමින් කලහකාරීන් පිරිසක් ඊයේ ( 9දා ) දින උදැසන කසළ රදවන ස්ථානයේ වැඩ බිමට කඩා වැදි දැවැන්ත විරෝධයක් පෑමසිදුවූ අතර එම විරෝධය පසුපස පොදුජන පෙරමුණේ කටකතා මාෆියාවක් ඇති බව එම ප්‍රදේශයේ ජනතාව චෝදනා කරයි.
කෙසේ නමුත් අදාල කසළ රඳවනය ඉදිකිරීමේ ව්‍යාපෘතියට අදාළ අපද්‍රව්‍ය මුදාහැරීම සඳහා කලපු ප්‍රදේශයට කාණුවක් කපා ඇති බවට පළවන මාධ්‍ය වාර්තා සම්පූර්ණයෙන් අසත්‍ය බවට මහා නගර හා බස්නාහිර සංවර්ධන අමාත්‍යාංශය ද අවධාරණය කරයි.
අමාත්‍යාංශය පෙන්වා දෙන්නේ මේ වනවිට පූර්ව සංවර්ධන කටයුතු පමණක් සිදු කෙරෙන එම ස්ථානයේ අදාළ කාණුව කපා ඇත්තේ වර්ෂා තත්ත්වයන්හීදී රැස්වන ජලය බැස යෑම සඳහා බවයි.
කලහකාරීන් පිරිසක් ඊයේ (09දා) එහි ගොස් සංවර්ධන භූමියේ දේපොළවලට හානි කර ඇති බවත්, එහිදී ව්‍යාපෘතියේ අපද්‍රව්‍ය මුදාහැරීම සඳහා කලපු ප්‍රදේශයට කාණුවක් කපා ඇති බවට ඔවුන් ප්‍රකාශ කළ බවට මාධ්‍ය වාර්තා පළ වී ඇති බවත් පෙන්වා දෙන අමාත්‍යාංශය, දේපළ හානි සිදුකරමින් නීතිවිරෝධී ලෙස කලහකාරී අන්දමට හැසිරුණු අදාළ පිරිස සම්බන්ධයෙන් නීතිය ක්රියාත්මක කරන ලෙසට විෂය භාර අමාත්‍ය පාඨලී චම්පික රණවක මහතා අදාළ ආයතනවලින් ඉල්ලා සිටින බවද ප්‍රකාශ කරයි.
COMMENTS