ඉන්දියානු ගිලන්රථ සේවා සමාගමට ගාල්ල වරායේ කොටසක් දී මේ සූදානමක් පවතින බව පාරිභෝගික අයිතීන් සුරකීමේ ජාතික ව්‍යාපාරය සඳහන් කරයි. පාරිභොගික...
ඉන්දියානු ගිලන්රථ සේවා සමාගමට ගාල්ල වරායේ කොටසක් දී මේ සූදානමක් පවතින බව පාරිභෝගික අයිතීන් සුරකීමේ ජාතික ව්‍යාපාරය සඳහන් කරයි.
පාරිභොගික අයිතීන් සුරැකීමේ සංවිධානයේ සභාපති රංජිත් විතානගේ මහතාගේ අත්සනින් යුතුව නිකුත් කරනු ලැබ ඇති මාධය නිවේදනයක් මගින් මෙම තොරතුරු අණාවරණය කරනු ලැබ තිබේ.
පාරිභෝගික අයිතීන් සුරැකීමේ සංවිධානය මගින් නිකුත් කරනු ලැබූ මාධය නිවේදනයේ වැඩිදුරටත් මෙසේද සඳහන් වේ.
2018. මැයි 25 ගාලු වරායේ Marina බෝට්ටු නැවතුම් පොළක් හා සංචාරකයන්ට පැමිණීමට පහසුකම් සහිත ස්ථානයක් සාදා පවත්වා ගෙන යාම සදහා වරාය අධිකාරිය විසින් ටෙන්ඩර් කැදවා තිබූ අතර එම ටෙන්ඩර්පත් කැදවීමේ අවසාන දිනය වූ 2018-08-21 අද එම ටෙන්ඩර්පත් කැදවීම අවසන් කරන ලදී.
එහිදී මේ සදහා එකම ටෙන්ඩර්පතක් ඉදිරිපත් කර තිබුණු අතර එම ටෙන්ඩර්පත ඉදිරිපත් කර තිබුනේ 2016 වසරේ මෙරට නොමිලේ ගිලන් රථ සේවාවක් ආරම්භ කල ඉන්දියානු සමාගම වනGVK – west coast marine සමගාම පමණි. ප්‍රසම්පාදන කාර්ය පටිපාටිය අනුව එක් ටෙන්ඩර් පතක් පමණක් ඉදිරිපත් කර ඇත්නම් නැවත ටෙන්ඩර් කල යුතු වුවත් අදාල ටෙන්ඩරය එම ඉන්දියානු සමාගම වෙත දීමේ සුදානමක් පීළීබදව අප සංවිධානය වෙත වාර්තා වේ. ගාලුවරයා පමණක් නොව සුන්දර රූමස්සල වෙරල තීරයද මෙම සමාගම වෙත ලබා දීම සදහා මේ වන විටත් සැලසුම් සකසා අවසන්ය.
මෙම ටෙන්ඩරය පිටුපස ප්‍රබල ඇමතිවරයෙක් සිටින අතර ඉන්දියානු ගිලන් රථසේවාව මෙරටට ලබා දීම සදහා පමණක නොව එම සමගමේ සේවාව පිලිබද උදම් ඇනූ ඇමතිවරයා ඔහුය.
ගාලු වරායේ කොටසක් මෙම සමාගමට ලබාදීමට අප විරුද්ධ අතර අපට කීමට ඇත්තේ හැංගි හැංගි වෙස් බැන්දත් නටන්න වෙන්නේ එළිපිට බවය.
මෙම ටෙන්ඩරයේ තාක්ෂණික ඇගයීම් කමිටුවේ සභාපතිවරයා වන්නේ විදුලි බල අමාත්‍යංශයේ ලේකම්වරයා වන සූරසේන බටගලය.
(ලලිත් චාමින්ද)
COMMENTS