මරණ දඬුවම ක්රියාත්මක කිරීම සඳහා ඉදිරිපත් වී ඇති යෝජනාව පිළිබඳ සිය දැඩි කනස්සල්ල පළ කරන බව ශ්‍රි ලංකා මානව හිමිකම් කොමිෂන් සභාව පවසයි. මත...
මරණ දඬුවම ක්රියාත්මක කිරීම සඳහා ඉදිරිපත් වී ඇති යෝජනාව පිළිබඳ සිය දැඩි කනස්සල්ල පළ කරන බව ශ්‍රි ලංකා මානව හිමිකම් කොමිෂන් සභාව පවසයි.
මත්ද්‍රව්‍ය ජාවාරම්කරුවන්ට මරණ දඬුවම ක්රියාත්මක කිරීමට ගෙන ඇති තීන්දුව අහෝසි කර මත්ද්‍රව්‍ය ජාවාරම ඇතුළු බරපතල අපරාධ මර්දනයට අවශ්‍ය ප්‍රබල හා දීර්ඝකාලීන ප්‍රතිපත්ති මාලාවක් ක්රියාත්මක කරන ලෙස ශ්රී ලංකා මානව හිමිකම් කොමිෂන් සභාව ජනාධිපති මෛත්‍රීපාල සිරිසේන මහතාගෙන් ලිඛිතව ඉල්ලීමක් කර තිබේ.
මත්ද්‍රව්‍ය ජාවාරම්කරුවන්ට එරෙහිව මරණ දඬුවම ක්රියාත්මක කිරීමට අමාත්‍ය මණ්ඩලය පසුගිය සතියේ තීරණය කර තිබිණි.
ඒ සම්බන්ධයෙන් සිය කොමිෂන් සභාවේ මතය ජනාධිපතිවරයා වෙත යවමින් කොමිෂන් සභාවේ සභාපති ආචාර්ය දීපිකා උඩගම මහත්මිය සඳහන් කර ඇත්තේ මරණ දඬුවම යනු ලෝකයේ තවදුරටත් ප්‍රතික්ෂේප වෙමින් බවතින දණ්ඩන ක්‍රමයක් බවයි.
මරණ දඬුවම යනු කෘර සහ අමානුෂික දණ්ඩනයක් බවත්, එය ජීවිතයට ඇති අයිතිය ද, කෘර සහ අවමන් සහගත දඬුවම් වලින් මිදීමට ඇතිය අයිතිය ද වෙනත් මානව හිමිකම් ද ප්‍රබල ලෙස උල්ලංඝනය කරන දඬුවමක් බවත්, අන්තගාමී හා වෙනස් කළ නොහැකි වූ මෙම දණ්ඩන ක්‍රමය අහෝසි කළ යුතු බවත් මානව හිමිකම් කොමිෂන් සභාව අවධාරණය කරයි.
මත්ද්‍රව්‍ය ජාවාරම නිසා සමාජයට ඇතිවන බලපෑම සුළුපටු නොවන බව ද එය සාර්ථක ලෙස මැඩ පැවැත්විය හැකි වන්නේ මරණ දඬුවම වැනි නිශ්පල දඬුවම් ක්රියාත්මක කිරීමෙන් නොවන මත්ද්‍රව්‍ය ජාවාරම්කරුවන් කාර්යක්ෂම ලෙස නීතියේ රැහැනට හසුකර ගැනීමෙන් බවද එම කොමිසම සඳහන් කරයි.
දැනටමත් වරදකරුවන් වී බන්ධනාගාරගත වී ඇති ජාවාරම්කරුවන් බන්ධනාගාරයේ සිට නව තාක්ෂණය ඔස්සේ බාහිර ලෝකයත් සමඟ බද්ධ වී ජාවාරම්වල යෙදන්නේ නම් එයට නිසි පිළිතුර විය යුත්තේ බන්ධනාගාරය තුළ ඇති ආරක්ෂක කටයුතු නවීන තාක්ෂණය භාවිත කරමින් නතරකිරීම යැයි ද සඳහන් කර ඇති මානව හිමිකම් කොමිසම මත්ද්‍රව්‍ය ජාවාරම මේසා ව්‍යාප්ත වීමට ප්‍රධාන සාධාකයන් වන දේශපාලන සබඳතා හා නීතිය ක්රියාත්මක කිරීමේ අංශවලින් ලැබෙන සහාය යන කාරණා ආමන්ත්‍රණය නොකර මරණ දඬුවම ක්රියාත්මක කිරීම වැනි ක්‍රියාවලියකට යෑම නිෂ්ඵල බව ද අවධාරණය කර සිටී.
COMMENTS