තඹුත්තේගම ආයුර්වේද රෝහලේ නව වාට්ටු සංකීර්ණය විවෘත කිරීමට යොදා ගෙන තිබූ දිනය තමන් දැනුවත්ව නොසිටි බව ශ්‍රී ලංකා නිදහස් පක්ෂ මහ ලේකම් අමාත්...
තඹුත්තේගම ආයුර්වේද රෝහලේ නව වාට්ටු සංකීර්ණය විවෘත කිරීමට යොදා ගෙන තිබූ දිනය තමන් දැනුවත්ව නොසිටි බව ශ්‍රී ලංකා නිදහස් පක්ෂ මහ ලේකම් අමාත්‍ය දුමින්ද දිසානායක මහතා ප්‍රකාශ කළේය.
පසුගිය 14 වනදා ප්‍රදේශවාසීන් විසින් එම නව වාට්ටු සංකීර්ණය හා බාහිර රෝගී අංශය විවෘත කළේ දේශපාලඥයින්ගේ අත්තනෝමතික ක්‍රියා හේතුවෙන් එය දිගින් දිගටම කල් දැමීමට විරෝධය පළ කරමිනි.
එහිදී ප්‍රදේශවාසීන් චෝදනා කළේ අමාත්‍ය දුමින්ද දිසානායක මහතා මෙම උත්සවයට සහභාගී නොවුයේ සමරු ඵලකයේ ඔහුගේ නම නොතිබීම නිසා බවයි.
කෙසේවෙතත් එය යළි පසුගියදා (18) විවෘත කෙරුණේ අමාත්‍ය දුමින්ද දිසානායක මහතා සහ උතුරුමැද පළාත් ආණ්ඩුකාර එන්.පී.ජයසිංහ මහතාගේ ප්‍රධානත්වයෙනි.
වාරිමාර්ග සහ ජල සම්පත් හා ආපදා කළමනාකරණ අමාත්‍ය දුමින්ද දිසානායක මහතා මෙසේ අදහස් දැක්වීය.
“මේ නිලධාරී මට්ටමේ ඇති වෙච්ච ප්‍රශ්නෙත් එක්ක අවසානයේ මඩ කන්න වුණේ මට. මේක මගේ ආසනය. හැබැයි මම 14 වෙනිදා මේක විවෘත කරනවයි කියලා දන්නේ නැහැ. හැමදාම මොකක් හරි නිව්ස් එකක් තියෙනවනේ මට. වැඩියෙන් තියෙන්නේ නරක ඒවානේ. ඉතින් ඒ අයගේ තියෙන්නේ බුද්ධියේ ප්‍රමාණය අනුව තමයි ඒ අය එදා දිනයේදී හැසිරිලා තියෙන්නේ. ආයුර්වේදයේ මම දන්නේ නැහැ බෙහෙත් තියෙනවද කියලා මුල අමතක වෙන එකට. මොකද මුල අමතක වුණාම ප්‍රශ්න ගොඩක් ඇති වෙනවා. ඒ වගේම විනාශයටත් මුලක් වෙනවා.”
COMMENTS