ඉදිරියේදී විදුලි අර්බුධයක් හෝ අභියෝගයක් නොමැති බවත් LNG (ස්වභාවික ද්‍රවකෘත වායු) බලාගාර 03ක් ඉදිකිරීමට සැලසුම් කර ඇති බවත් විදුලිබල හා පුන...
ඉදිරියේදී විදුලි අර්බුධයක් හෝ අභියෝගයක් නොමැති බවත් LNG (ස්වභාවික ද්‍රවකෘත වායු) බලාගාර 03ක් ඉදිකිරීමට සැලසුම් කර ඇති බවත් විදුලිබල හා පුනර්ජනනීය බලශක්ති අමාත්‍ය රංජිත් සියඹලාපිටිය මහතා පැවසීය.
රුවන්වැල්ලේ දී පැවති උත්සවයකදී ඔහු මේ බව ප්‍රකාශ කළ අතර ඉන්දියාව, ජපානය හා චීනය සමඟ එක්ව එම බලාගාර ඉදිකිරීමට නියමිත බවත් අමාත්‍යවරයා සඳහන් කළේය.
එහිදී ඒ මහතා මෙසේ අදහස් දැක්වීය.
“ජනාධිපතිතුමා නායකත්වය දෙන ජාතික ආර්ථික සභාවෙන් අනුමත වූ මෙම කැබිනට් පත්‍රිකාවේ ආකාරයට ඉන්දියාවෙන් මෙගා වොට් 500ක්, ජපානයෙන් මෙගා වොට් 500ක් සහ චීනයෙන් මෙගා වොට් 400ක් ලබා ගත හැකි ස්වභාවික ද්‍රව වායු බලාගාර සෑදීම සඳහා අනුමැතිය ලැබුණා. ඊට අමතරව කොරියාව සමඟ සහසම්බන්ධ වී ස්වභාවික ද්‍රව වායු ඉක්මණින් ලබා ගත හැකි සංචිතයක් ඉදිකිරීමේ අනුමැතියත් එම කැබිනට් පත්‍රිකාවෙන්ම ලැබුණා.”
COMMENTS