ඒකාබද්ධ විපක්ෂය විසින් පාර්ලිමේන්තුවට ඉදිරිපත් කර ඇති අගමැති රනිල් වික්‍රමසිංහ මහතාට එරෙහි විශ්වාසභංග යෝජනාවට හිටපු අමාත්‍ය බැසිල් රාජපක්ෂ...
ඒකාබද්ධ විපක්ෂය විසින් පාර්ලිමේන්තුවට ඉදිරිපත් කර ඇති අගමැති රනිල් වික්‍රමසිංහ මහතාට එරෙහි විශ්වාසභංග යෝජනාවට හිටපු අමාත්‍ය බැසිල් රාජපක්ෂ මහතා දැඩි අකමැත්ත ප්‍රකාශ කර ඇතැයි දේශපාලන ආරංචි මාර්ග පවසයි.
ඒ අනුව බැසිල් රාජපක්ෂ හිටපු ඇමැතිවරයා සිටින්නේ විශ්වාසභංගය ජයග්‍රහණය කිරීමට සහාය ලබා නොදිය යුතුය යන ස්ථාවරකය.
ඒකාබද්ධ විපක්ෂයේ කණ්ඩායමක් විශ්වාසභංගයට පක්ෂව ඡන්දය ප්‍රකාශ කරන විට බැසිල් රාජපක්ෂ මහතාගේ වැඩි සහයක් එයට ලැබෙන බවක් පෙනෙන්නට නැති බවත් මෙවැනි දේශපාලන මෙහෙයුම්වලට නායකත්වය දෙන බැසිල් රාජපක්ෂ මහතා එයට කිසිදු සහයක් ලබා නොදෙමින් නිහඬව සිටින බවත් වාර්තා වේ.
මේ අතර බැසිල් රාජපක්ෂ හිටපු ඇමැතිවරයාගේ අදහස වී තිබෙන්නේ ඉදිරි වසර දෙකක කාලයක තුළදී අගමැති රනිල් වික්‍රමසිංහ මහතාට ආණ්ඩුව පත්වාගෙන යාමට අවස්ථාව ලබාදිය යුතු බවත් තවත් අවුරුදු දෙකක් රනිල් වික්‍රමසිංහ අගමැතිවරයා රට පාලනය කළ විට දැනට තිබෙන ජනතා අප්‍රසාදය ඉහළ යනු ඇති බවත් එවිට පහසුවෙන් ඒකාබද්ධ විපක්ෂයට ඉදිරි මැතිවරණය ජයගත හැකි බවත් ඔහුගේ අදහස වී ඇතැයි එම ආරංචි මාර්ග සදහන් කළේය.
එහෙත් විශ්වාසභංගයට පක්ෂව කටයුතු කරන එක්සත් ජාතික පක්ෂයට සම්බන්ධ ඇතැම් කණ්ඩායම් සමග බැසිල් රාජපක්ෂ මහතා පවත්වන සාකච්ඡා අඛණ්ඩව පවත්වාගෙන යන බව ද වාර්තා වේ.
කෙසේ වෙතත් අගමැති රනිල් වික්‍රමසිංහ මහතාට එරෙහිව ඒකාබද්ධ විපක්ෂය විසින් පාර්ලිමේන්තුව වෙත ඉදිරිපත් කළ විශ්වාසභංග යෝජනාව සඳහා හිටපු ජනාධිපති මහින්ද රාජපක්ෂ මහතා අත්සන් තබා නොමැතිවීම ද විශේෂත්වයකි.
COMMENTS