ජාති, ආගම් බේදයකින් තොරව සියලු ජනතාව සාමයෙන්, සමගියෙන් සහ සංහිඳියාවෙන් ජීවත්වන සමාජයක් ස්ථීර වශයෙන්ම රට තුළ ගොඩනැගිය යුතු බව ජනාධිපතිවරයා ...
ජාති, ආගම් බේදයකින් තොරව සියලු ජනතාව සාමයෙන්, සමගියෙන් සහ සංහිඳියාවෙන් ජීවත්වන සමාජයක් ස්ථීර වශයෙන්ම රට තුළ ගොඩනැගිය යුතු බව ජනාධිපතිවරයා පවසයි.
එය තමාගේ ද සිහිනය බව පැවසූ ජනාධිපතිවරයා එම සිහිනය ඉටුකර ගැනීම සඳහා රටට ආදරය කරන සියලු ජනතාව ඒකරාශී කරගනිමින් දිවි හිමියෙන් කැපවන බව ද අවධාරණය කළේය.
ජනාධිපති මෛත්‍රීපාල සිරිසේන මහතා මේ බව අවධාරණය කළේ පෙරේදා (30) පස්වරුවේ අම්පාර අට්ටාලච්චේන ප‍්‍රදේශයේ පැවති ජන හමුවක් අමතමිනි.
ජන හමුව ඇමතූ ජනාධිපතිවරයා වැඩිදුරටත් ප‍්‍රකාශ කළේ 2015 ජනවාරි 08 වනදා ජාති, ආගම් බේදයකින් තොරව මේ රටේ සියලු ජනතාව තමා කෙරෙහි තැබූ විශ්වාසය ඉටු කිරීමට කැපවන බවයි.
මේ රට සමෘද්ධිමත් රටක් ලෙස ගොඩනැගීමට රට තුළ ස්ථීර සාර සාමයක් ඇති කළ යුතු බව මෙහිදී පෙන්වා දුන් ජනාධිපතිවරයා එහිදී සියලු ආගම් සහ සියලු ජනතාව අතර සංහිඳියාව ඉතා වැදගත් බවද කියා සිටියේය.
සංවර්ධනයේ ප‍්‍රතිලාභ සියලු ජනතාවට ලබාදීම තම අරමුණ බව පැවසූ ජනාධිපතිවරයා මෙම පෙබරවාරි 10 වනදා මැතිවරණ ජයග‍්‍රහණයත් සමග ගම් මට්ටමින් සිදු කළ යුතු සංවර්ධන වැඩපිළිවෙළ පිළිබඳ පෞද්ගලිකවම සොයා බැලීමට නැවත මෙම ප‍්‍රදේශවලට පැමිණෙන බවද සඳහන් කළේය.
COMMENTS