මෙවර පළාත් පාලන මැතිවරණයේ ජයග්‍රහණය තහවුරු කිරීම සඳහා දේශපාලන පක්‍ෂ පවත්වන සියලුම ප්‍රචාරක රැස්‌වීම් අද (07) රාත්‍රියෙන් අවසන් කරනු ඇත. ඒ...
මෙවර පළාත් පාලන මැතිවරණයේ ජයග්‍රහණය තහවුරු කිරීම සඳහා දේශපාලන පක්‍ෂ පවත්වන සියලුම ප්‍රචාරක රැස්‌වීම් අද (07) රාත්‍රියෙන් අවසන් කරනු ඇත.
ඒ අනුව ශ්‍රීලනිප නායක, ජනාධිපති මෛත්‍රිපාල සිරිසේන මහතා සහ එම පක්‍ෂ නායකයන්ගේ ප්‍රධානත්වයෙන් පැවැත්වෙන අවසන් ජන රැලිය ගාල්ලේ සමනළ ක්‍රීඩාංගණයේදී හා අකුරැස්‌සේ දී පැවැත්වීමට නියමිතය.
එජාප නායක, අගමැති රනිල් වික්‍රමසිංහ මහතාගේ සහ එම පක්‍ෂ ප්‍රධානීන්ගේ සහභාගීත්වයෙන් අද දින අවසන් ජන රැලි කොළඹ, ග්‍රෑන්ඩ්පාස්‌ හිදී පවත්වනු ඇත.
මේ අතර ශ්‍රී ලංකා පොදු ජන පෙරමුණ හිටපු ජනාධිපති මහින්ද රාජපක්‍ෂ මහතාගේ සහ එම පක්‍ෂ නායකයින්ගේ ප්‍රධානත්වයෙන් අද දින සිය අවසන් ජන රැලිය හෝමාගමදී පැවැත්වීමට නියමිත අතර ඊට අමතරව හම්බන්තොට සහ කුරුණෑගලදී ප්‍රචාරක රැලි පවත්වනු ඇත.
ජනතා විමුක්‌ති පෙරමුණ මෙවර පළාත් පාලන මැතිවරණයේ අවසන් මහා රැලිය එහි නායක අනුර කුමාර දිසානායක මහතාගේ සහ එම පක්‍ෂ ප්‍රධානීන්ගේ සහභාගීත්වයෙන් මහරගමදී පැවැත්වේ.
එම ප්‍රධාන පක්ෂවල අවසන් ජන රැලිවල සජීවි විකාශය අප වෙබ් අඩවිය ඔස්සේ බලාපොරොත්තු වන්න.
COMMENTS