කැරළි මර්දන මෙහෙයුමෙන් පසු ලංවිම සභාපති මුදාගනී - ලංවිම සේවකයින් වැඩවරති

වැටුප් විෂමතාවය ඉවත් කිරීම ඇතුලූ ඉල්ලීම් කිහපයක් මුල් කරගනිමින් ලංකා විදුලිබල මණ්ඩලයේ සේවකයින් පිරිසක් එහි සභාපති ඩබ්. බී ගනේගල මහතා අද (1...

වැටුප් විෂමතාවය ඉවත් කිරීම ඇතුලූ ඉල්ලීම් කිහපයක් මුල් කරගනිමින් ලංකා විදුලිබල මණ්ඩලයේ සේවකයින් පිරිසක් එහි සභාපති ඩබ්. බී ගනේගල මහතා අද (17) පස්වරුවේ සිට පැය අටකට අධික කාලයක් ඔහුගේ නිල කාමරයේ හිර කර තබාගනිමින් විරෝධතාවක නිරත වූහ.

පසුව පොලිසිය සහ කැරළි මර්දන කණ්ඩායම් එක්ව අද රාත‍්‍රි 8.00 ට පමණ සභාපතිවරයා මුදා ගෙන ඇත.

ලංකා විදුලි බල මණ්ඩලයේ ඒකාබද්ධ වෘත්තීය සමිති සන්ධානයේ සේවක පිරිස් විදුලිබල මණ්ඩල මූලස්ථානය ඉදිරිපිට අද පස්වරු 12.00ට පමණ උද්ඝෝෂණයක නිරත වූ අතර ඉන් අනතුරුව ගොඩනැගිල්ලේ සභාපතිවරයා සිටි කාමරය අසල සිට ඔහුට පිටතට ඒමට ඉඩනොදී එහි රැඳී සිටිමින් විරෝධයේ නිරතව සිට ඇත.

මේ අතර ලංකා විදුලි බල මණ්ඩලයේ සේවකයන් විසින් දියත් කළ උද්ඝෝෂණයට පොලීසිය විසින් පහරදීමට විරෝධය පළ කරමින් එම සේවකයන් විසින් වහාම ක්‍රියාත්මක වන පරිදි දිවයින පුරා වැඩවර්ජනයක් දියත් කිරීමට තීරණය කර ඇත.

එම වීඩියෝව පහතින්,