පූක්කුලම රක්ෂිතය විල්පත්තු ජාතික වනෝද්‍යානයේ එක් සීමාවක් වන වෙරළාසන්නයේ කෙරවල පිහිටි ප්‍රදේශයක් වන අතර ඒ ආසන්නයේ නගරයක් ස්ථාපිත කිරීමට ප්‍...
පූක්කුලම රක්ෂිතය විල්පත්තු ජාතික වනෝද්‍යානයේ එක් සීමාවක් වන වෙරළාසන්නයේ කෙරවල පිහිටි ප්‍රදේශයක් වන අතර ඒ ආසන්නයේ නගරයක් ස්ථාපිත කිරීමට ප්‍රබල අමාත්‍යවරයෙකු උත්සහ කරන බවට වාර්තා පළ විය.
ඒ සම්බන්ධයෙන් පරිසර සංවිධාන හා පාර්ශව කිහිපයකින් චෝදනා එල්ල වූයේ රාජ්‍ය අමාත්‍ය පාලිත රංගේ බණ්ඩාර මහතාටය. ඊට ප්‍රතිචාර ලෙස අමාත්‍යවරයාද කිහිප වතාවක් මාධ්‍ය හරහා පිළිතුරු ලබා දුන්නේය.
මේ අතර ප්‍රදේශයේ ආගමික නායකයින් සහ ප්‍රදේශවාසීන් 300කට ආසන්න ප්‍රමාණයක් ඊයේ උදෑසන පූක්කුලම ප්‍රදේශයේ නිරීක්ෂණ චාරිකාවක නිරත විය.
කල්පිටිය ශාසනාරක්ෂක බල මණ්ඩලයේ ලේඛකධිකාරී පුජ්‍ය මිගෙට්ටුවත්තේ සුමිත්ත හිමි නිරීක්ෂණ චාරිකාවෙන් අනතුරුව මාධ්‍ය වෙත අදහස් දැක්වීය.
“මේ දවස්වල මුද්‍රිත හා විද්‍යුත් මාධ්‍යවල දැක්කා විල්පත්තු රක්ෂිතයේ පූක්කුලම කියන හරියේ කැලෑ කපලා, ගෙවල් හදලා මිනිස්සු පදිංචි කරන බවට. පුත්තලම දිස්ත්‍රික් මන්ත්‍රීවරයෙක් එහි හෝටලයක් හදන බවත් එහිදී ප්‍රචාරය වුණා. ඒ අනුව මේ පිළිබඳ සොයා බැලීමේදී එවැනි තත්ත්වයක් තිබුණේ නැහැ. එතකොට ඒ ඉඩකඩම්වල බලපත්‍ර ඒවා සියල්ලම පෙන්නුවා. විජිත් විජේමුණි සොයිසා ඇමතිතුමා වර්තමාන රජයේ ඉන්න එතුමත් මෙහෙට ආවා ගියා මේ ජනාවාස වුණු මේ මිනිස්සුන්ට උදව් කළා. එතකොට මේ විදියට ආණ්ඩු ගණනාවක අමාත්‍යවරු, නිළධාරීන් මේ සඳහා උදව් කළා. ඒ අනුව බැලුවාම මේ ස්ථානය මිනිස්සු පදිංචි වෙලා හිටපු අතීත නටඹුන් තියෙනවා.”
COMMENTS