ලබන පෙබරවාරි 10 වැනි දින පැවත්වීමට නියමිත පළාත් පාලන ආයතන ඡන්ද විමසීමට අදාළව තැපැල් ඡන්ද සලකුණු කිරීමට නොහැකි වූ හා නොහැකි වන තැපැල් ඡන්ද ...
ලබන පෙබරවාරි 10 වැනි දින පැවත්වීමට නියමිත පළාත් පාලන ආයතන ඡන්ද විමසීමට අදාළව තැපැල් ඡන්ද සලකුණු කිරීමට නොහැකි වූ හා නොහැකි වන තැපැල් ඡන්ද සුදුසුකම් ලැබූවන්ට සිය තැපැල් ඡන්දය ප්‍රකාශක කිරීමට ලබන පෙබරවාරි 1 සහ 2 දෙදින ද පහසුකම් සලසා ඇති බව මැතිවරණ කොමිසන් සභාවේ සභාපති මහින්ද දේශප්‍රිය මහතා සඳහන් කරයි.
මෙම තැපැල් ඡන්දය ප්‍රකාශයට පත්කර තිබූ (22) දින සහ අද (25) හා හෙට (26) තෙදින තුළ ඡන්ද ප්‍රකාශ කිරීමට නොහැකි වූවන්ට මෙම අමතර දෙදින ලබා දී තිබේ.
එහිදී කාර්යාල වේලාව තුළ අදාළ දිස්ත්‍රික් මැතිවරණ කාර්යාලවලදී ද කොළඹ දිස්ත්‍රික්කය සඳහා මැතිවරණ මහලේකම් කාර්යාලයේදී ද පහසුකම් සලසා ඇත.
මෙම තැපැල් ඡන්ද සලකුණු කිරීමේ කටයුතු නිරීක්ෂණ සඳහා තේරීම්භාර නිලධාරීන් විසින් යොදවන නිල නිරීක්ෂකයන්ට අමතරව තරග කරන දේශපාලන පක්ෂ/ස්වාධීන කණ්ඩායම් නියෝජිතයන් සහ ඒ සඳහා අවසරලත් නිරීක්ෂණ සංවිධානවල නිරීක්ෂකයන්, ස්වකීය නියෝජිතයන් ලෙස සහභාගි කරවිය හැක.
මෙම දිනය කිසිඳු ලෙසකින් තවදුරටත් දීර්ඝ කරනු නොලබන බවත් තැපැල් ඡන්ද සලකුණු කිරීම සඳහා ජාතික හැඳුනුම්පත් හෝ වලංගු හැඳුනුම්පත් වශයෙන් මැතිරවණ කොමිසන් සභාව විසින් ප්‍රකාශයට පත් කර ඇති හැඳුනුම්පත් රැගෙන යා යුතු බව සභාපතිවරයා වැඩිදුරටත් සඳහන් කරයි.
COMMENTS