අද රටම කථා කරන බැඳුම්කර කොමිසමේ වාර්තාව තමන්ට ලැබීමෙන් අනතුරුව ශ්රී ලන්කන් ගුවන් සේවය සහ මිහින් එයාර් ගුවන් සේවය පිළිබඳව සොයා බැලීමට ද න...
අද රටම කථා කරන බැඳුම්කර කොමිසමේ වාර්තාව තමන්ට ලැබීමෙන් අනතුරුව ශ්රී ලන්කන් ගුවන් සේවය සහ මිහින් එයාර් ගුවන් සේවය පිළිබඳව සොයා බැලීමට ද නව කොමිසම් දෙකක් පත් කිරීමට කටයුතු කරන බව ජනාධිපති මෛත්‍රීපාල සිරිසේන මහතා පවසයි.
ශ්රී ලංකා නිදහස් පක්ෂ සංවිධායකවරුන් සමග ජනාධිපති මන්දිරයේ පැවති හමුවකදී ජනාධිපතිවරයා මේ බව සඳහන් කළේ යැයි ජනාධිපති මාධ්‍ය ඒකකය නිවේදනයක් නිකුත් කර තිබේ.
කුමන අභියෝගවලට මුහුණදීමට සිදු වුවද පිරිසිදු දේශපාලන ව්‍යාපාරයක් වෙනුවෙන් වූ තම කැපවීම අත් නොහරින බව ජනාධිපතිවරයා පවසයි.
යහපත් දේශපාලන සංස්කෘතියක් මතු පරපුර වෙනුවෙන් උරුම කරදීමේ වගකීම කවුරුන් හෝ ඉටු කිරීම අද ජාතියේ අවශ්‍යතාවයක් බවට පත්ව ඇති අතර, තමා එම යුග මෙහෙවරට උරදී සිටින විට රටට ආදරය කරන ලක්ෂ සංඛ්‍යාත ජනතාව ඒ වටා ඒකරාශිවනු ඇති බව ද ජනාධිපතිවරයා සඳහන් කළේය.
වංචාව දූෂණය පිටුදැකීමට ගෙන යන වැඩපිළිවෙළ පිළිබඳව ද මෙහිදී අදහස් දැක්වූ ජනාධිපතිවරයා ප‍්‍රකාශ කළේ අද රටම කථා කරන බැඳුම්කර කොමිසමේ වාර්තාව ලැබීමෙන් අනතුරුව ශී‍්‍ර ලංකා ගුවන් සේවය සහ මිහින් එයාර් ගුවන් සේවය පිළිබඳව සොයා බැලීමට ද නව කොමිසමක් පත් කිරීමට කටයුතු කරන බවයි.
ශී‍්‍ර ලංකා නිදහස් පක්ෂය පිරිසිදු දේශපාලන ව්‍යාපාරයක් ලෙස ශක්තිමත් කිරීමේ අවශ්‍යතාවය මෙහිදී අවධාරණය කළ ජනාධිපතිවරයා ශී‍්‍ර ලංකා නිදහස් පක්ෂය ශක්තිමත් නොකර, රටට ආදරය කරන දේශපාලන ව්‍යාපාරයක් ගොඩනැගිය නොහැකි බව ද සඳහන් කළේය.
ශ්රී ලංකා නිදහස් පක්ෂය තුළ තමා අපේක්ෂා කරන්නේ පක්ෂයෙන් වර්ණවත්වන ඇමතිවරුන්, මන්තී‍්‍රවරුන් හෝ අපේක්ෂකයින් නොව ඔවුන්ගෙන් පක්ෂය වර්ණවත්වීම බවද ජනාධිපතිවරයා සඳහන් කළේය.
එමෙන්ම රාජ්‍ය බලයෙන්, ධන බලයෙන් හෝ නිල බලයෙන් මෙවර පළාත් පාලන මැතිවරණය ජයග‍්‍රහණය කළ නොහැකි බවද පෙන්වා දුන් ජනාධිපතිවරයා නව මැතිවරණ ක‍්‍රමයට අනුව එය බුද්ධියෙන් ජයග‍්‍රහණය කළයුතු මැතිවරණයක් බව ද කියා සිටියේය.
යම් අපේක්ෂකයෙකුගේ හැසිරීම, චරිතය සහ ජනතා පිළිගැනීම පැහැදිළිව ඔහුගේ ජයග‍්‍රහණයට හේතු වන බවද සඳහන් කළ ජනාධිපතිතුමා රටට ආදරය කරන සැබෑ චරිතවත් මහජන නියෝජිතයින් පිරිසක් මෙවර මැතිවරණයේදී ජයග‍්‍රහණය කරනු ඇති බවද සඳහන් කළේය.
ඉදිරි පළාත් පාලන මැතිවරණයේ සංවිධාන කටයුතු පිළිබඳ මෙම හමුවේදී දීර්ඝවශයෙන් සාකච්ඡාවට ලක් වී තිබේ.
COMMENTS