2015 ජනවාරි 08 මේ රටේ ස්ථාපිතව තිබූ ලයිසන් රාජ්‍යය බිඳ වැටුණු බවත් ටෙන්ඩරයක් ගැනීමට, සංවර්ධනයට, විදේශ ආධාරයක් ලබාගැනීමට, මේ රටේ මහ පවුලේ ස...
2015 ජනවාරි 08 මේ රටේ ස්ථාපිතව තිබූ ලයිසන් රාජ්‍යය බිඳ වැටුණු බවත් ටෙන්ඩරයක් ගැනීමට, සංවර්ධනයට, විදේශ ආධාරයක් ලබාගැනීමට, මේ රටේ මහ පවුලේ සාමාජිකයෙකුගෙන් ලයිසන් එක අවශ්‍ය වූ බවත් මහානගර සහ බස්නාහිර සංවර්ධන අමාත්‍ය පාඨලී චම්පික රණවක මහතා පවසයි.
ඔහු මේ බව පැවසූවේ පිබිදෙමු පොළොන්නරුව දිස්ත‍්‍රික් සංවර්ධන වැඩසටහනට සමගාමීව ක‍්‍රියාත්මක කරනු ලබන ‘සුඛිත පුරවර ව්‍යාපෘතිය යටතේ, දෙස්විදෙස් සංචාරක ප‍්‍රජාවගේ සුවපහසුව සහ දැනුවත්භාවය, ප‍්‍රවර්ධනය උදෙසා ඉදිකරන ලද වාණිජ සංකිර්ණය, සංචාරක තොරතුරු මධ්‍යස්ථානය, සංචාරක පොලීසිය ජනතා අයිතියට පත් කිරීමේ අවස්ථාවට එක් වෙමිනි.
එහිදී වැඩිදුරටත් අදහස් දැක්වූ අමාත්‍යවරයා,
“2015 ජනවාරි 08 මේ රටේ ස්ථාපිතව තිබූ ලයිසන් රාජ්‍යය බිඳ වැටුණා. ටෙන්ඩරයක් ගන්න, සංවර්ධනයක් කරන්න, විදේශ ආධාරයක් ලබාගන්න, මේ රටේ මහ පවුලේ සාමාජිකයෙකුගෙන් ලයිසන් එක අවශ්‍ය වුණා. එම ලයිසන් එක නොමැතිව, මාවතක්, ජලාශයක්, මහාමාර්ගයක් හදන්න කිසිසේත් නොහැකියි. අපගේ ජනාපතිතුමන් මොරගහකන්ද ජලාශය ඉදිකිරීම සඳහා අවශ්‍ය අනුමැතිය ගන්න සෑහෙන වෙහෙසක් දැරීමට සිදු වුණා. ඒ රාජපක්‍ෂ පවුලේ ලයිසන් එක එම ව්‍යාපෘතියට නොලැබීම හේතුවෙන්. අන්න ඒ ලයිසන් රාජ්‍ය බිඳ වැටිලා ජලය අවශ්‍ය මිනිසාට ජලයත්, පාරවල් අවශ්‍ය ජනතාවට පාරවල්, ප‍්‍රවාහනය අවශ්‍ය ජනතාවට ප‍්‍රවාහනයත් අතුළු පොදු පහසුකම් ලබාදෙන නිදහස් රජයක් රටට දැන් දායද වී තිබෙනවා.ජේ. ආර්. ජයවර්ධන ජනාධිපතිතුමන් මේ රටේ රාජ්‍ය ඒකාධිකාරය බිඳ දමමින් සිදු කළ වෙනසට වඩා බරපතල වෙනසක් 2015 ජනවාරි 08 සිදුවුණා. එනම්, පවුල් පාලනයක ලයිසන් රාජ්‍යයෙන් අප ගැලවිම වුණා. නැවතත් එම රාජ්‍ය ගොඩනගන්න ඇතැම් අය උත්සාහ දරමින් සිටිනවා.“
COMMENTS